आईसीटी समाचार
सिटी एक्सप्रेस जापानले मोबाइल रेमिट्यान्स सेवा सञ्चालनमा ल्याएको छ । सिटी एक्सप्रेस जापानले सिटी मोबाइल वालेट सेवा सुरु गरेको हो ।
सिटी मोबाइल वालेटबाट विश्वभरका २०० राष्ट्रहरुमा रकम पठाउन सकिने व्यवस्था रहेको छ । उक्त एप्लिसकेसन गुगल एप्सबाट डाउनलोड गरी इमेलको मद्दतबाट रजिष्ट्रेसन गरी सेवा लिन सकिने छ । एप्लिकेसनमार्फत नयाँ रिसिभर थप गर्न र जुनसुकै समयमा संसारभरीबाट पैसा पठाउन मिल्ने व्यवस्था गरिएको छ ।
वालेटमा ३ तरिकाबाट रकम जम्मा गर्न सकिने छ । सिटी वालेट कार्डमा जम्मा गरेको रकम आफु अनुकुल समय र जुनसुकै स्थानबाट एक क्लिकमा पठाउन सकिने विशेषता उक्त एप्लिकेसनमा रहेको कम्पनीले जनाएको । नयाँ एप्लिकेसनसँग कम्पनीले प्रयोगकर्तालाई रिवार्ड पोइन्टको पनि व्यवस्था गरेको छ।
