आईसीटी समाचार
गुगलको सर्च जेनेरेटिभ एक्सपेरियेन्सको साथ, तपाईले इन्टरनेटमा जानकारी खोज्ने राम्रो अनुभव पाउनुहुनेछ । गुगलको सर्च जेनेरेटिभ टूलको मद्दतले इन्टरनेटमा जानकारी खोज्नु पहिले भन्दा छिटो र सजिलो हुन सक्ने देखिएको छ ।
यति मात्र नभएर एसजीइ(सर्च जेनेरेटिभ एक्सपेरियन्स)ले कुनै पनि सामग्रीको बारेमा राम्रो र गहिरो जानकारी सङ्कलन गर्न मद्दत गर्नेछ ।
गुगलको एआई सर्चको साथ, तपाईंले जानकारीको लागि धेरै जवाफहरू पाउनुहुनेछ । धेरै जवाफहरू मध्ये, तपाईंले आफूलाई सही लाग्ने जवाफ छनोट गर्न सक्नुहुन्छ । थप जानकारीको लागि तपाईले फलो–अप प्रश्न सोध्न प्रयोग गर्न सक्नुहुन्छ ।
अहिले सर्च ल्याबको सुविधा अमेरिका, जापान र भारतका लागि मात्र उपलब्ध गराइएको छ । यसलाई अंग्रेजी, हिन्दी र जापानी भाषाहरूमा प्रयोग गर्न सकिन्छ ।
गुगलको एआइ सर्च प्रयोग गर्न केके चाहिन्छ ?
- तपाईंसँग एन्ड्रोइड फोन हुनुपर्छ
- फोनमा गुगल एपको नयाँ संस्करण हुनुपर्छ
- तपाईं १८ वर्ष भन्दा माथिको हुनुपर्छ
- तपाईंसँग व्यक्तिगत गूूगल खाता हुनुपर्छ
गुगलको एआइ सर्च एक्सपेरियेन्स सुविधा कसरी सक्रिय गर्ने ?
गुगलको एआइ सर्च प्रयोग गर्न, पहिले तपाईंले गुगल एप खोल्नु पर्छ । तपाईंले आफ्नो गुगल अकाउन्टको साथ गूगल एपमा लग इन गर्नुपर्नेछ ।
गुगल एपमा इन्कग्निटो मोड अन छ भने यसलाई अफ गर्नुपर्छ । अब तपाईंले एपको शीर्ष बायाँमा रहेको ल्याब आइकनमा ट्याप गर्नुपर्नेछ ।
एसजीइ कार्डमा एक्सपेरिमेन्टलाई टर्न अन गर्नपर्छ । तपाईंले नियम र सर्तहरू पढ्नुपर्नेछ र सहमत हुनुपर्नेछ ।
गुगलको एआइ सर्च एक्सपेरियेन्स सुविधा कसरी प्रयोग गर्ने ?
अब तपाई गुगल डट कममा आउनुहोस् र खोज बाकसमा आफ्नो प्रश्न टाइप गर्नुहोस् । यसो गर्दा तपाईले खोज बक्सको तल जेनेरेटिभ एआईको ब्यानर देख्न सक्नुहुनेछ ।
तपाईंले सर्चमा ट्याप गर्ने बित्तिकै, गुगलको जेनेरेटिभ एआई खोजले तपाईंको लागि काम गर्नेछ ।
गुगलको जेनेरेटिभ एआई खोजले आधा वेब खोजहरूमा जतिसक्दो चाँडो जवाफहरू फेला पार्न काम गर्नेछ ।
गुगल एसजीइ फलो–अप प्रश्नहरू पनि कन्भरसेसन मोडमा सोध्न सकिन्छ । कम्पनीको यो उपकरण एआई पार्वड फिचर हो ।
