आईसीटी समाचार
गुगलले चाँडै नै आफ्ना प्रयोगकर्ताहरूका लागि प्ले स्टोरमा नयाँ फिचर ल्याउने भएको छ । प्रयोगकर्ताहरूले गुगल प्ले स्टोरमा सर्टहरू हेर्न सक्नेछन् । गुगलले आफ्नो नयाँ भिडियो सिरिज द प्ले रिपोर्ट सुरु गर्न लागेको छ । यस शृङ्खलाको साथ, प्रयोगकर्ताहरूले प्ले स्टोरमा ४२ – ६० सेकेन्डको छोटो भिडियो देख्नेछन् ।
गुगलको नयाँ भिडियो श्रृंखला द प्ले रिपोर्टमा, एन्ड्रोइड प्रयोगकर्ताहरूका लागि उपलब्ध गेम र एपहरू प्रदर्शन गरिनेछ ।
प्ले रिपोर्टको प्रत्येक भिडियोमा, प्ले स्टोरको ट्रेन्डिङ डाउनलोडहरूको बारेमा जानकारी दिइनेछ ।गुगलद्वारा प्ले रिपोर्टमा हरेक हप्ता नयाँ भिडियोहरू जारी गर्ने गूगलले जनाएको छ ।
गुगलको नयाँ भिडियो श्रृंखला द प्ले रिपोर्टले गुगलका कर्मचारीहरू र लोकप्रिय युुट्युब सिर्जनाकर्ताहरूलाई होस्टको रूपमा राखेको छ ।
प्रत्येक एपिसोडमा, प्रयोगकर्ताहरूलाई कुनै एक एप र गेमको बारेमा जानकारी दिइनेछ । यी छोटो भिडियोहरू प्ले स्टोरको शीर्षमा हेर्न सकिन्छ । छोटो भिडियोका साथसाथै प्रयोगकर्ताका लागि इन्स्टल बटन ल्याइएको छ, जसले गर्दा यी भिडियोहरू डाउनलोड गरी फेरि हेर्न सकिन्छ ।
गूगल प्ले स्टोरले सर्टसको मद्दतले लुकेका केही उत्कृष्ट एन्ड्रोइड गेम र एपहरू बाहिर ल्याउने लक्ष्य राखेको छ ।
धेरै एन्ड्रोइड प्रयोगकर्ताहरूले प्ले स्टोरमा उत्कृष्ट एपहरू र खेलहरू बारे जानकारी पाएका हुँदैनन् । यही कारणले प्ले स्टोरमा यो फिचर ल्याइएको हो । गुगल प्ले स्टोरको यो फिचर अमेरिकामा भर्खरै सुरु भएको छ । छिट्टै भिडियो सिरिज अन्य देशमा पनि ल्याइने छ ।
