स्टोरेज बचाउन यसरी प्रयोग गर्नुहोस् गुगलको अटो अर्काइभ फिचर

यदि तपाई आफ्नो फोनको स्टोरेजको बारेमा चिन्तित हुनुहुन्छ भने, तपाईको लागि खुसीको खबर छ । गुगलले भर्खरै प्ले स्टोरको लागि अटो अर्काइभ सुविधा ल्याएको छ  । नयाँ सुविधाले एन्ड्रोइड उपकरणहरूमा भण्डारण बचत गर्दछ, जब एप प्रयोगमा छैन् ।

गुगलले अनावश्यक एपहरूले लिने स्टोरेज स्पेसको ६० प्रतिशतसम्म बचत गर्न एन्ड्रोइडमा अटो आर्काइभ फिचर सुरु गरेको छ । नयाँ सुविधाले फोनमा अनावश्यक एपहरू भण्डारण गर्छ र प्रयोगकर्ताहरूलाई नयाँ एपहरू इन्स्टल गर्न स्टोरेज दिन्छ ।

अटो अर्काइभ फिचर के हो ?

अटो अर्काइभ फिचर एउटा नयाँ सुविधा हो जसले प्रयोगकर्ताहरूलाई डिभाइसमा स्टोरेज स्पेस खाली गर्ने विकल्प दिन्छ । फोनमा अवस्थित एपहरू नमेटाई, प्रयोगकर्ताहरूले आफ्नो फोनको स्टोरेज बढाउन सक्छन्, जसले गर्दा नयाँ एप इन्स्टल गर्न सहज हुने गर्दछ । अटो आर्काइभ फिचर सक्रिय भएपछि, तपाईंले कम प्रयोग गर्ने तपाईंको फोनमा अनावश्यक एपहरू हटाइनेछन् ।

यदि तपाई ती एपलाई आफ्नो फोनमा पुनः राख्न चाहनुहुन्छ भने, यसलाई पुनः डाउनलोड गर्नुपर्ने हुन्छ । कम्पनीले प्ले स्टोरमा नयाँ टगल उपलब्ध गराउने भएको छ । तपाईंले गुगल प्ले स्टोर र अटो अर्काइभ फिचरको सेटिंगमा गएर यो नयाँ फिचर अन वा अफ गर्न सक्नुहुन्छ ।