आईसीटी समाचार
त्रिभुवन विश्वविद्यालयको विज्ञान तथा प्रविधि अध्ययन संस्थानले योग्यता नपुगेका शिक्षकहरुले बीएससी सीएसआईटी अध्यापन गराए कारबाही हुने चेतावनी दिएको छ ।
विभिन्न कलेजहरूमा योग्यता नपुगेका शिक्षकले बीएससी सीएसआईटी पढाएको भन्दै जनगुनासो आएपछि संस्थाले एक सूचना जारी गर्दै त्यस्ता शिक्षकहरूमाथि कारबाही हुने जनाएको हो ।
सबै क्याम्पसले त्रिवि सेवा आयोगले तोकेको मापदण्ड पूरा गरेका शिक्षकलाई मात्र नियुक्त तरी अध्यापन गराई सो अनुसारको बेहोरा यस डीन कार्यालयमा पठाउन संस्थानले अनुरोध गरेको छ ।
‘यदि सेवा आयोगले तोकेको योग्यता नपुगेका शिक्षकहरुले अध्यापन गराइएको पाइएमा त्रि. वि. नियमानुसार कारबाही हुने बेहोरा समेत जानकारी गराइन्छ,’ सूचनामा भनिएको छ ।
