सीएसआईटी एशोसिएसनले आयोजना गरेको करियर कनेक्ट २०२३ सुरू, यस्ता छन् मुख्य आकर्षण 

सीएसआईटी एशोसिएसनले आयोजना गरेको करियर कनेक्ट २०२३ सुरू भएको छ । कीर्तिपुर स्थित त्रिभुवन विश्वविद्यालयमा करियर कनेक्ट शुक्रबारदेखि सुरू भएको हो ।

शनिबारसम्म चल्ने करियर कनेक्ट त्रिभुवन विश्वविद्यालयको विज्ञान तथा प्रविधि संस्थान र कम्प्युटर साइन्स तथा सूचना प्रविधि केन्द्रिय विभागको सहकार्यमा भइरहेको छ । कार्यक्रम बिहान १० बजेदेखि साँझ ५ बजेसम्म सञ्चालन हुनेछ ।

करियर कनेक्टमा विभिन्न आईटी कलेज, आईटी कम्पनी लगायत सूचना प्रविधिमा पढ्न चाहने र पढिरहेका विद्यार्थीहरू सहबागी भएका छन् । कार्यक्रमका मुख्य आकर्षणका रूपमा एजुकेसन फेयर, कलेज स्टल, जब फेयर, कम्पनी स्टल, फुड, गेम्स लगायतका रहेका छन् ।