आईसीटी समाचार
ओपोले भररखरै नेपालमा रेनो रेञ्जका स्मार्टफोनहरु सार्वजनिक गर्ने घोषणा गरेको छ । नयाँ रेनो टेनएक्स जुम ईडिशनले स्मार्टफोनको जुम क्षमतालाई नयाँ उचाई प्रदान गरेको छ । तर, रेनोको विशेषता यतिमै मात्र सिमित भने छैन । यस लेख मार्फत हामी रेनो टेनएक्स जुम ईडिशनमा रहेका ५ उत्कृष्ट फिचर्स माथि प्रकाश पार्ने प्रयास गर्ने छौँ ।
टेनएक्स हाइब्रिड अप्टिकल जुम
टेनएक्स हाइब्रिड अप्टिकल जुम सेन्सर, रेनो स्मार्टफोनको एक उत्कष्ट फिचर हो । एमडब्ल्यूसीमा यो प्रविधि प्रदर्शित गरे देखि नै यसको ब्यवसायिक उत्पादनका लागि निकै प्रतिक्षा गरिएको छ । स्मार्टफोनमा उपलब्ध यो प्रविधि, अप्टिकल जुम मध्य अहिले सम्मकै सर्वाधिक क्षमता सहितको जुम हो ।
सेन्सरको पेरिस्कोप स्टाइलमा गरिएको डिजाइनले गर्दा यो सम्भव भएको हो । नयाँ फोनमा १६० एमएम फोकल लेन्थको १३ एमपी, एफर३.० क्षमता सहितको टेलिफोटो सेन्सर जडान गरिएको छ । ब्लर फ्रि फोटो तथा भिडियो खिच्न सघाउनका लागि फोनको सेन्सरमा हाईब्रिड ओआईएसपनि समाहित गरिएको छ ।
स्न्यापड्रागन ८५५ एसओसी
ओपो रेनो टेनएक्स जुमको अर्को सटिक पाटो भनेको यसमा समाहित स्न्यापड्रागन ८५५ चिपसेट हो । ८ जीबी ¥याम र २५६ जीबी रोम सहित क्वालकमको यो नयाँ चिपसेट शक्तिशाली हुनुका साथै कार्यसम्पादनका सवालमा पनि निकै छरितो छ । अत्याधुनिक गेम्सका साथै आवश्यक एआई फिचर्स सञ्चालनका लािग स्न्यापड्रागन ८५५ले पर्याप्त शक्ति प्रदान गर्छ । भविष्यमा सार्वजनिक हुने फोनका लागि यो चिपसेटले फाइभजी सपोर्टपनि दिने छ ।
स्न्यापड्रागन ८५५ एसओसीका साथै फोनमा ३.५एमएम हेडफोन सकेट, एनएफसी, डुअल फ्रिक्वेन्सी जीपीएस लगायत अन्य हेर्डवेयर फिचर्सपनि फोनमा उपलब्ध छन् । फोनमा गेम बुस्ट २.० सुविधाका साथै यसले डल्बी एट्मसपनि सपोर्ट गर्छ । त्यसैगरी, यसमा पछिल्लो संस्करणका तुलनमा २३ प्रतिशतले तिब्र मानिएको भोक ३.० प्रविधि ४,०६५ एमएएच ब्याट्रीका साथमा उपलब्ध गरिएको छ ।
शार्क फिन पप्–अप क्यामेरा
पछिल्तिर टेनएक्स अप्टिकल जुम पेरिस्कोप क्यामेराका साथै, ओपो रेनोमा नयाँ पप्–अप क्यामेरापनि उपलब्ध छ । पप्डअप हुँदा शार्कको फिन जस्तो देखिने भएको हुँदा यसलाई कम्पनीले पप्–अप मेकानिजम नाम दिएको छ । यो मोड्यलुले १६ एमपी सेल्फी क्यामेरा र एउटा सफ्ट फ्ल्याशलाई आफु भित्र लुकाउँछ ।
यो मेकानिजमको पछिल्तिर रियर क्यामेराका लागि फ्ल्याशको ब्यवस्थापनि गरिएको छ । ओपोका अनुसार फोनको यो मोटोराइज्ड भाग ५ बर्षभन्दा लामो समयसम्म मज्जाले टिक्छ । साथै, अचानक फोन खसेर हुन सक्ने सम्भावित क्षति न्यूनिकरणका लागि यसमा स्वचालितरुपमा स्वतः बन्द हुने फल डिटेक्सन फिचरपनि उपलब्ध छ ।
ट्रिपल रियर क्यामेरा
सार्वजनिकको तयारीमा रहेको यस फोनमा ट्रिपल रियर क्यामेरा सेटअपको ब्यवस्थापनि गरिएको छ । हामीले माथी नै टेलिफोटो पेरिस्कोप सेन्सरका बारेमा चर्चा गरिसकेका छौँ । बाँकी दूई सेन्सरको कुरा गर्दा यसमा उत्कृष्ट तस्विरका लागि आईओएस सहितको एफर१.७ सहितको प्राइमरी ४८ मेगापिक्सेल सोनी आईएमएक्स सेन्सर जडान गरिएको छ ।
यसले फोरके भिडियो ६० फ्रेम्स प्रति सेकेण्डमा खिच्ने क्षमता राख्छ । त्यसैगरी, यसमा १ सय २० डिग्रि एफर२.२ सुपर वाइड एंगल सेन्सर सहितको ८ एमपी सेन्सर जडान गरिएको छ । यी दूबै क्यामेरामा लेजर अटोफोकसको ब्यवस्थापनि गरिएको छ ।
९३.१ स्क्रिन टू बडी रेसियो सहितको ६.६५ ईञ्च डिस्प्ले
फोनको अघिल्लो भागको चर्चा गर्दा यसमा करिव करिव बेजल लेस, ठूलो डिस्प्लेको प्रयोग गरिएको छ । ओपो रेनो टेनएक्स जुम ईडिशनमा गोरिल्ला ग्लास ६ प्रोटेक्सन सहितको ६.६५ ईञ्चको फुल एचडी+ एमोलेड डिस्प्ले उपलब्ध छ ।
तल्तिर पातला बेजल्स भएको यस उपकरणमा ९३.१ प्रतिशत स्क्रिन टू बडी रेसियो उपलब्ध गराउँछ । साथै फोन अनलकिङका लागि यसमा ईन–डिस्प्ले अप्टिकल फिंगरप्रिन्ट स्क्यानर उपलब्ध गरिएको छ । यो फोन नेपाली बजारमा यही जुन महिनाको अन्त्य सम्म सार्वजनिक हुनेछ ।
