आईसीटी समाचार
नेपाल कलेज अफ इन्फर्मेसन टेक्नोलोजी (एनसीआईटी) मा जब फेयर हुने भएको छ । आउँदो शुक्रबार दिउँसो १ बजेदेखि ५ बजेसम्म एनसीआईटीको प्रांगन बालकुमारीमा जब फेयर सञ्चालन हुनेछ ।
सूचना प्रविधि र सिभिल इन्जिनियरिङका विद्यार्थीलाई लक्षित गर्दै जेनस एकेडेमीले एनसीआईटी कलेज र जबइजीसँगको सहकार्यमा जब फेयर गर्न लागेको हो ।
जब फेयरमा अन्य कलेजका आईटी विद्यार्थीले समेत भाग लिन सक्ने छन् । जब फेयरमा २५ भन्दा बढी कम्पनी सहभागी हुने छन ।
कम्पनीहरूले जब फेयरमै विद्यार्थीको अन्तर्वाता लिने छन् । क्षमताका आधारमा रोजगारी समेत दिन सक्ने छन् । यसका साथै उक्त कार्यक्रममा एनसीआईटी कलेजका विद्यार्थीले बनाएका परियोजना पनि प्रदर्शनीमा राखिने छ ।
