आईसीटी समाचार
गुगलले आफ्नो मेल सेवा अर्थात् जीमेल एपमा एउटा नयाँ र बहुप्रतिक्षित विकल्प ल्याउने भएको छ । कम्पनीले आफ्ना प्रयोगकर्ताहरूका लागि सेलेक्ट अल बटन ल्याउन भएको छ ।
सेलेक्ट अल फिचर जीमेल प्रयोगकर्ताले लामो समयदेखि माग गरिरहेको थिए । अब छिट्टै जीमले प्रयोगकर्ताले सो फिचर उपयोग गर्न पाउने छन् ।
यसबाट एकै पटक सबैमेल छनोट गर्न सकिने छ । नाइन टु फाइभको रिपोर्ट अनुसार गुगलले अब जीमेलको एन्ड्रोइड एपमा नयाँ सेलेक्ट अल बटन रोल आउट गर्न सुरू गरेको छ ।
यो फिचर जीमेलको एन्ड्रोइड संस्करण २०२३.०८.२०.५६१७५०९७५ रहेको रिपोर्टमा उल्लेख गरिएको छ । यसमा एन्ड्रोइड १३ र एन्ड्रोइड १४ अपरेटिङ सिस्टममा चल्ने गुगल पिक्सेल स्मार्टफोन र ग्यालेक्सी डिभाइसहरू समावेश छन् ।
यो फिचर भविष्यमा पुराना एन्ड्रोइड संस्करणहरुसंग रोल आउट हुन सक्नेछ । गुगलको सेलेक्ट अल फिचर वेबसाइटमा पहिले देखि नै छ । अब यो मोबाइल एपमा पनि उपलब्ध हुँदैछ ।
यसले प्रयोगकर्ताहरूलाई आफ्नो फोनमा आफ्नो इनबक्स व्यवस्थापन गर्न सजिलो बनाउने छ । यो सुविधाको साथ प्रयोगकर्ताहरूले एक पटकमा अधिकतम ५० इमेलहरु छनौट गर्न सक्ने छन् ।
