आईसीटी समाचार
सातै प्रदेशका स्टार्टअप तथा आईसीटी अवार्ड २०२३ का उत्कृष्ट १२ स्टार्टअप, १३ राइजिङ स्टार इन्नोभेसन र १४ प्रडक्टहरूका लागि आयोजना गरिएको दुई दिने बुटक्याम्प सम्पन्न भएको छ ।
किंग्स कलेजसँगको सहकार्यमा लिभिङ विथ आईसीटीले मंगलबार र बुधबार आयोजना गरेको उक्त बुटक्याम्पमा ५० बढी स्टार्टअप तथा आईडियाहरू सहभागी भएका थिए ।
बुटक्याम्पमा मार्केटिङ, ब्राण्डिङ, कम्पनी दर्ता, बजार अध्ययन, इक्विटी, कस्टुमर एक्विजेसन लगायत स्टार्टअप तथा आईडियालाई कसरी अगाडि बढाउने भन्ने विषयमा विविध कुराहरू सिकाइएको थियो ।
यसका साथै बुटक्याम्पमा सहभागी भएकाहरू बिहीबार उद्योगको भ्रमणमा समेत जाँदै छन् । भ्रमणबाट कम्पनी कसरी सञ्चालन हुन्छ ? के के कुरा आवश्यक पर्छन् ? लगायत बारे ज्ञान पाउने आयोजकको विश्वास छ ।
