आईसीटी समाचार
नेपालका लागि अनर स्मार्टफोनको आधिकारिक वितरक सेलट्रोन नेपालले आफ्ना ग्राहकका लागि सबैभन्दा ठूलो चाडपर्व अफर ल्याएको छ । “बनाउ दशैं अनरमय” भन्ने ट्याग लाइनका साथ कम्पनीले बम्पर उपहार को पर्व ल्याएको छ ।
सेलट्रोन नेपालले यस चाडपर्वको अवसरमा यो अफरले अनर ग्राहकहरूमाझ उत्साह सिर्जना गर्ने विश्वास लिएको छ । अनरबाट अनरको बहार, चाडपर्व मा उपहारै उपहार नामक अभियान सुरु गरिएको छ । जसमा खरिदकर्ताहरुले स्मार्टफोनको हरेक खरिदमा दैनिक उपहार, मेगा उपहार, बम्पर उपहार र भेस्पा जित्ने अवसर प्राप्त गर्न सक्नेछन् ।
उपहारहरू चार खण्डहरूमा विभाजित छन् । जसमा मानिसहरूले रु. ५,९९० मूल्यको अनर एयरबड एस५ वा रु.६,४९० पर्ने अनर ब्यान्ड सीक्स हरेक दिन जित्ने मौका पाउन सक्नेछन् । दोस्रो मेगा गिफ्ट हो जहाँ खरिदकर्ताहरुले ४३ इन्च स्मार्ट टिभी वा अनर वाच ४ वा अनर ९० फाइभजी जित्ने मौका पाउन सक्छन् ।
त्यसपछि तेस्रो खण्डमा थप रोचक हुनेछ, जहाँ ग्राहकहरूले ल्यापटप वा थाइल्याण्ड टुर जित्ने मौका पाउन सक्छन् र।अन्तमा, सबैभन्दा गजबको उपहार अर्थात् एक भाग्यशाली विजेताले भेस्पा स्कुटर जित्न सक्ने कम्पनीको भनाइ छ ।
