आईतबार सार्वजनिक हुँदै महावीर पुनको जीवन कथामा आधारित पुस्तक, अनलाइनबाटै अर्डर गर्न सकिने 

राष्ट्रिय आविष्कार केन्द्रका संस्थापक महावीर पुनको जीवन कथामा आधारित पुस्तक अनलाइनबाट समेत अर्डर गर्न सकिने भएको छ । आईतबारदेखि पुनको जीवनीमा आधारित पुस्तक उपलब्ध हुँदैछ ।

पुस्तक अनलाइन शपिङ प्लेटफर्म दराज र अमेजन किन्डलमा समेत उपलब्ध हुनेछ । पुस्तकको मूल्य ७५० नेपाली रूपैयाँ राखिएको छ भने अमेजन किन्डलका लागि १० अमेरिकी डलर तोकिएको छ ।

पुस्तक आईतबार सार्वजनिक हुने भएपनि दराज र किन्डलमा सोमबारदेखि मात्रै उपलब्ध हुनेछ । अनलाइन अर्डर गर्न नसक्नेले 9801462924, 9801462918 र 9841592361 फोन गरेर अर्डर गर्न सक्ने महावीर पुनले जनाएका छन् ।

किताब बेचेर आएको सबै पैसा वीरगंजको कृषि औजार कारखानाको सुधार गर्ने र संचालन गर्ने काममा जाने उनले जानकारी दिए । वीरगंजको कृषि औजार कारखानाको लागि तत्कालै पैसा चाहिएका कारण जीवन कथा लेखिएको पुनको भनाइ छ ।