मकवानपुरमा स्थापना हुने भयो मदन भण्डारी विज्ञान तथा प्रविधि विश्वविद्यालय

काठमाडौं। सरकारले मदन भण्डारी विज्ञान तथा प्रविधि विश्वविद्यालय मकवानपुरमा स्थापना गर्ने भएको छ ।

मन्त्रिपरिषदको बैठकले मकवानपुरको थाहा नगरपालिका  ९ स्थित स्वच्छन्द भैरव माविको नाममा रहेको १७९ रोपनी १२ आना २ पैसा जग्गा विश्वविद्यालयको पूर्वाधार विकास समितिका नाममा भोगाधिकार प्रदान गर्ने  निर्णय गरेको हो ।

मदन भण्डारी विज्ञान तथा प्रविधि विश्वविद्यालयको लागी भनेर सरकारले आर्थिक वर्ष २०७६/७७ को बजेटमा  एक अर्ब १० करोड बजेट छुट्याएको थियो ।