आईसीटी समाचार
काठमाडौं । नेपालको सूचना प्रविधि क्षेत्रको प्रतिष्ठित सम्मान कार्यक्रम आइसिटी अवार्डको चौथो संस्करण आगामी साउन ३२ मा राजधानीको सोल्टी क्राउन प्लाजामा हुँदै छ । अवार्डमा कुल ९ विधा समावेश गरिएको छ ।
यसमध्ये ३ विधाहरु स्टार्टअप आइसिटी अवार्ड, प्रडक्ट आइसिटी अवार्ड र राइजिङ स्टुडेन्ट आइसिटी अवार्ड विधाका उत्कृष्ट ५ को घोषणा भएको छ । उत्कृष्ट ११ मा पर्न सफल प्रतिष्पर्धीलाई गत असार २८ मा प्रिजेन्टेशन एवं स्पिड डेटिङ सेसनमा सहभागी गराइएको छ ।
यो सेसनबाट ११ सदस्यीय निर्णायक मण्डलको समूहले उत्कृष्ट ५ को घोषणा गरेको हो ।
स्टार्टअप आइसिटी अवार्ड २०१९ का उत्कृष्ट ५
- ई–डिजिटल नेपाल प्रालि
- हाम्रो टेक्नोलोजी प्रालि
- खाली सिसी म्यानेजमेन्ट प्रालि
- युजी केक्स
- वाकम्यान ‘ग्रिन क्वेन्स’
प्रडक्ट आइसिटी अवार्ड २०१९ का उत्कृष्ट ५
- विधाना
- डेल्टा सेल्स एप
- इन्सपेला
- ए मबैंक
- मेडिफ्लो सिस्टम एन्ड सर्भिसेस
राइजिङ स्टुडेन्ट आइसिटी अवार्ड २०१९ का उत्कृष्ट ५
- हेल्प इआर
- नयाँ किनमेल
- प्रशासन ई
- रक्तदान
- वाटर टेस्टर एप
तीनै विधाका उत्कृष्ट ५ का लागि बिहिबार राती १२ बजेदेखि साउन १८ गते राती १२ बजेसम्म अनलाइन र एसमएस भोटिङ गर्न सकिने अवार्ड कार्यक्रमका संयोजक राजन लम्सालले जानकारी दिए ।
अवार्डका अन्य ६ विधाका लागि निर्णायक मण्डलको समूहले छनोट प्रक्रिया जारी राखेको छ । यसअन्तर्गत पायोनियर आइसिटी अवार्ड, डिजिटल गभर्नेन्स आइसिटी अवार्ड, आन्ट्रप्रनर आइसिटी अवार्ड, नेपाली डायस्पोरा आइसिटी अवार्ड, डिजिटल एजुकेशन आइसिटी अवार्ड र मिडिया पर्सन आइसिटी अवार्ड रहेका छन् ।
यस संस्करणको आइसिटी अवार्डमा सबै विधा गरी २ सयभन्दा बढीको अनलाइन आवेदन परेको थियो । सबै विधामा कडा प्रतिष्पर्धा रहेको जानकारी दिदै निर्णायक समूहका संयोजक हेमपाल श्रेष्ठले हरेक किसिमले उत्कृष्ट छान्ने प्रयास गरिएको बताए ।
अवार्डबारे विस्तृत जानकारीका लागि : ictaward.org
याे पनि पढ्नुहाेस्
