सातै प्रदेशका ५९ सहरहरुमा उच्चगतिको फोरजी सुरु, फागुनदेखि देशभर संचालनमा आउने 

नेपाल टेलिकमले फोरजीरएलटीई सेवाको नेटवर्क देशभर सातै प्रदेशका ३२ वटा जिल्लाका ५९ प्रमुख सहरहरुमा विस्तार गरेको छ । बुधबार प्रधानमन्त्री केपी शर्मा ओलीले सातै प्रदेशका मुख्यमन्त्रिहरुसँग फोरजिको प्रयोग गरि भिडियो कन्फरेन्स गर्दै कार्यक्रमको औपचारिक सुरुवात गरेका हुन् । 

यस क्रममा मुख्यमन्त्रीहरुले सरकारले निकै ठूलो सफलता हात पारेको भन्दै खुसी व्यक्त गरेका थिए । मुख्यमन्त्रीहरुले पनि प्रदेशमा फोरजिको उद्घाटन गरेका हुन । यस्तै प्रधानमन्त्री केपी शर्मा ओलीले मुलुक तिब्र गतीमा अगाडी बढेको दाबी गरे । कार्यक्रमलाई सम्बोधन गर्दै उनले भने, ‘हामी दिन प्रतिदिन नयाँ नयाँ काम गरेर इतिहासकै उल्लेखीय काम गरेका छौं । यस नेपाल टेलीकमको फोर जी सेवा त्यस्ता काम मध्यको एक हो ।’

फोर जी इन्टरनेटको यसको प्रयोगपश्चात् उच्च गतिको इन्टरनेट सेवामार्फत भिडियो लगायतका नवीनतम सेवाहरुको प्रवाह पनि सहज हुनेछ । मुलुकभर नै फोरजी सेवा उपलब्ध भएपछि उच्च गतिको मोबाइल ब्रोडव्याण्डमार्फत, श्रव्यदृश्य तथा विद्युतीय माध्यमबाट शिक्षा, स्वास्थ्य, सामाजिक सेवाहरु र मनोरञ्जन लगायत विविध सेवा प्रवाहमा वृहत् सुधार हुने नेपाल टेलिकमका प्रबन्ध निर्देशक डिल्ली अधिकारीले बताए । उनले आउने फागुनसम्म देशैभरि फोरजी संचालनमा आइसक्ने र १८ महिनामा प्रदेश १, २ र ३ को मध्यपहाडी लोकमार्गमा पनि अप्टिकल फाइबर बिछ्याइसक्ने बताए ।

कार्यक्रममा संचार तथा सूचना प्रबिधि मन्त्रि गोकुल बास्कोटाले अब नेपाल टेलिकम रफ्तारको साथ अघि बढेको भन्दै समृद्द नेपाल र सुखी नेपालीको सार्थकताको लागि काम गर्ने बताए । नेपाल टेलिकमका अध्यक्ष तथा सचिब महेन्द्रमान गुरुङले देशमा केहि भैरहेको छ भन्ने प्रमाणित फोरजिको अत्याधुनिक प्रबिधि विस्तारले देखाएको बताए ।

अहिलेको फोरजी प्रबिधि फोरजीभन्दा माथि तथा ब् क्याटेगोरिजको रहेको बताइएको छ । अहिले २४७ एमबीपीएस सम्मको गतिको स्पिडमा फोरजी संचालन हुने बताएको छ । यसलाई एक्टिभेट गर्न ८द्धद्धद्ध३  डाइल गर्नुपर्ने छ ।