आईसीटी समाचार
काठमाडौं । आन्तरिक राजश्व विभागले अनलाइनबाटै कर तिरेको प्रमाणपत्र प्रदान गर्ने भएको छ । हाल करदाताले कर तिरेपछि पाउने प्रमाणपत्र लिन सरकारी कार्यालयमै पुग्नुपर्ने बाध्यता रहेको छ ।
व्यवसायीले करको काम पुरा गर्न कर कार्यालयमै पुग्नुपर्ने बाध्यताको अन्त्य गर्न माग गर्दै आएका थिए ।
डिजिटल प्रविधिबाट सहजीकरण गर्ने नीतिअनुसार तत्काल करदाताको लागि एक स्टेप सहज बनाइएइको छ ।
गत वर्षदेखि ठूला करदाता कार्यालयबाट यो सुविधा लागू गरिएको थियो ।
करदाताले कर चुक्ता गरेपछि आन्तरिक राजश्व विभागको वेबसाइटमा रहेको ट्याक्सपेयर पोर्टलमा गइ आफ्ने कर चुक्ता प्रमाणपत्रका लागि आवेदन दिन सक्ने छन् ।
यसरी आएको प्रमाणपत्रमा कर कार्यालयको छाप, पत्र संख्या र चलानी नम्बर भने नहुने आन्तरिक राजश्व विभागले प्रष्ट पारेको छ ।
