आईसीटी समाचार
मंसिर २७ गते भृकुटिमण्डपमा कारखानाले राष्ट्रिय स्टिम च्यालेन्ज आयोजना गरेको छ ।
कारखाना र शिक्षा, विज्ञान तथा प्रविधि मन्त्रालयको सहकार्यमा तयार पारिएको यस कार्यक्रममा आठ देखि १४ वर्ष सम्मका छात्रछात्राहरुले भाग लिन सक्ने छन् ।
आउने पिढी को पढाइसँगै क्षमता विकास, सीप विकास, अनि सोच को विकास गर्न र भविष्यमा आउने समस्याहरु सँग सामना गर्नको लागि यो कार्यक्रमको आयोजना गरिएको हो ।
यो च्यालेन्जमा विद्यार्थिहरुले दिगो विकासका लक्ष्य प्राप्त गर्नको लागि विभिन्न परियोजनाका नमुनाहरु तयार पार्नेछन् ।
छात्रछात्राहरुले बनाएको परियोजनाले विज्ञान, प्रविधि, इन्जिनियरिंग, आर्ट-डिजाइन तथा गणितको सही प्रयोग गरेर कसरी समाजमा भएका समस्या हरुको समाधान गर्न सकिन्छ भन्ने कुरामा केन्द्रित हुनु पर्ने हुन्छ ।
यस च्यालेन्जमा देशभरबाट ४ सय ८० प्रतिभाहरु सहभागि हुदै छन् । यसमा १५ जना मूल्याङ्कनकर्ता पनि सहभागि हुने छन् ।
यस च्यालेन्जमा पहिलो दोस्रो स्थानको आधारमा प्रतियोगिहरु छनोट नभइ उत्कृष्ट प्रोजेक्टलाई विभिन्न वर्गमा राखेर सम्मान गरिने आयोजकले बताएको छ ।
यस स्टिम च्यालेन्जमा विभिन्न शैक्षिक स्टलहरु हुने छन् । यसका साथसाथै शिक्षकहरुका लागि विभिन्न वर्कसप पनि आयोजना गरिएको छ ।
बिहान ११ बजे बाट सर्वसाधारणले कार्यक्रममा निर्माण भएका परियोजना हरु निशुल्क अवलोकन गर्न सक्ने छन् । यस अघि यो कार्यक्रम ६ प्रदेशमा सम्पन्न भईसकेको छ ।
राष्ट्रिय स्तरको यस च्यालेन्जमा युनस्को, टिच फर नेपाल, वाइल्ड लाइफ कन्जरभेसन नेपाल, किंग्स कलेज, प्याब्सन, एसटान, एनप्याब्सन, ई-सेवा, मिडास तथा कुलल्याब्स, वर्ल्डलिङ्क, रान, एसक्यूसी क्वेस्ट नेपाल, नेपाल कम्युनिटेरी लगायतका संस्थाको सहयोग रहेको छ ।
