आईसीटी समाचार
आर एस सफ्टवेयर्स प्रालीले नेपालमा पहिलो पटक फ्रिल्यान्सिङको लागि टेकसेवा नामक वेबसाइट सञ्चालनमा ल्याउन लागेको छ ।
यसबाट आफुसँग कुनै सिप वा क्षमता छ भने घरमै बसेर पैसा कमाउन सकिन्छ । प्रोजेक्ट लिने मान्छेले काम पुरा नगरेसम्म पैसा नपाउने र काम पुरा भएपछि मात्र पैसा पाउने भएकाले पैसा सुरक्षित रहने टेकसेवाका सञ्चालक रविन्श लामिछानेले हामीलाई जानकारी दिए ।
सुरुमा पैसा टेकसेवा सँगै रहने र काम गर्ने मान्छेलाई काम पुरा गरेपछि मात्र पैसा पठाउछौ उनले भने । काम दिने मान्छेले काम पुरा भएपछि पैसा नदिएर भाग्न पनि सक्दैन ।
जनवरी १ बाट सञ्चालनमा आउने यो टेकसेवाले एउटा नयाँ योजना सार्वजनिक गरेको छ । जसमा टेकसेवाको वेबसाइटमा सुरक्षा सम्बन्धि कुनै पनि कमजोरी भेटियो भने प्रयोगकर्ताले रिपोर्ट गर्न सक्ने र दश हजार सम्म जित्ने अवसर पनि प्राप्त गर्ने छन् ।
टेकसेवाबाट पैसा इ-सेवा बैंक तथा अन्य माध्यमबाट लिन सकिन्छ । भने पेपाल, इ-सेवा, खल्ती, आइएमई पे, बैंक, क्रेडिट कार्ड, मास्टर कार्ड तथा अन्य माध्यमबाट पैसा तिर्न सकिन्छ । टेकसेवाको वेबसाइटमा जान यहाँ क्लिक गर्नुहोस ।
