पोखरा प्रिमियर लिगको रेस पार्टनरमा टिभिएस

पोखरा प्रिमियर लिग (पिपिएल) मा नेपालका लागि टिभिएसका मोटर साइकल तथा स्कुटरका आधिकारीक बिक्रेता जगदम्बा मोटर्स् रेसिङ पार्टनरका रुपमा रहेको छ ।

टिभिएस अपाचे सिरीजको रेस पार्टनरको प्रस्तावना सफल रुपमा पारित भएको छ । रेस पार्टनरको लागि जगदम्बा मोटर्स् प्रालिका प्रबन्ध निर्देशक शाहिल अग्रवाल र पिपिएलका प्रबन्ध निर्देशक छुम्बी लामा बीच आपसी समझदारीमा सम्झौता पत्रमा हस्ताक्षर भएको थियो ।

मङसिर २८ गते देखि पौष १२ गते सम्म चल्ने पिपिएलका लागि दोस्रो सिजनको खेल तालिका सार्वजनिक भइसकेको छ ।

पिपिएलमा विभिन्न ६ टिम बुटवल ब्लास्टर , चितवन राइनोज , विराटनगर टाईटन , पोखरा पल्टन , एक्सपर्ट धनगढी ब्लूज र काठमाडौं रोयल्स खेल्दै छन् । बिहान ११ बजे उद्घाटन खेल पोखरा पल्टन र काठमाडौं रोयल्स बीच हुदैछ ।