आईसीटी समाचार
लिभिङ विथ आइसिटीले आयोजना गरेको आइसिटी स्टार्टअप एण्ड इन्नोभेसन मेला आजबाट सुरु भएको छ । मेला पुस ४ गते देखि २ दिन सम्म सञ्चालन हुनेछ ।
थापागाँउ स्थित प्रेसिडेन्टियल स्कुलमा कार्यक्रमका प्रमुख अतिथि सञ्चार तथा सुचना प्रविधि मन्त्रालयका सचिव दिपक सुवेदीले पानसमा बत्ति बालेर उद्घाटन गरेका हुन् ।
कार्यक्रमको पहिलो दिन रोबोटको फुटबल खेल प्रतियोगिता र एआइ तथा क्लाउडमा वर्कसप समेत भएको छ ।कार्यक्रमको पहिलो दिन ३ हजार भन्दा बढिले पदर्शनी अवलोकन गरेका छन् ।
मेला अवलोकन गर्नेलाई पुरस्कारको समेत व्यवस्था गरिएको छ । जसमा टेलिस्कोप र रिचार्ज जित्न सक्ने छन् । यसको लागि रजिष्ट्रेसन डेस्कमा रजिष्टर गर्नु पर्ने हुन्छ । रजिष्टर निशुल्क गर्न सकिने छ ।
