आईसीटी समाचार
महालेखा नियन्त्रकको कार्यालयको नियन्त्रणमा रहेको स्थानीय तहको लेखाप्रणालीका सबै तथ्याङ्कहरु रिकभर भएको छ ।
७ सय ५३ वटै स्थानीय तहको लेखाप्रणाली व्यवस्थित गर्ने सफ्टवेर स्थानीय कोष व्यवस्थापन प्रणाली (सुत्र) ४ गते ह्याक भएको थियो ।
सुत्र ह्याकको विषयमा अहिले नेपाल प्रहरीको केन्द्रीय अनुसन्धान ब्युरो (सीआईबी) ले अनुसन्धान गरिरहेको छ । नष्ट भएका सबै तथ्याङ्कहरु गत शुक्रबार रिकभर गर्न सफल भएको सह–महालेखा नियन्त्रक रमेशप्रसाद शिवाकोटीले बताए ।
उनले स्थानीय तहको ३९ हजार भौचर नष्ट भएकोमा १७ हजार भौचर पुनः प्रवृष्टि गरिएको बताउँदै अहिले सबै तथ्यांक रिकभर भएपछि सोमबारदेखि सबै स्थानीय तहको हराएको भौचर सिस्टममा देखाउने बताए।
