आईसीटी समाचार
नेपाल टेलिकमले जीएसएम तथा सीडीएमए प्रिपेड सिमकार्ड खरिद गर्नेको लागि नयाँ अफर ल्याएको छ । यो अफर जनवरी १ अर्थात आउँदो बुधबार देखि लागु हुनेछ ।
नयाँ सिमकार्ड खरिद गर्दा १० रुपैयाँ ब्यालेन्स, ४० मिनेट टक टाइम, ६० एमबी डाटा र २० वटा म्यासेजको सुविधा पाइने छ । यो भन्दा अगाडी सिम खरिद गर्दा ५० रुपैयाँ ब्यालेन्स मात्र दिइने गरिएको थियो ।
सिममा उपलब्ध १० रुपैयाँ ब्यालेन्सबाट जुनसुकै नेटवर्कमा कल गर्न, एसएमएस पठाउन वा डाटा चलाउन सकिने छ भने ४० मिनेट टक टाइम र २० वटा एसएमएस एक महिना भित्र नेपाल टेलिकमको नेटवर्कमा प्रयोग गर्न सकिने छ ।
यो भन्दा अगाडी सिम खरिद गरी एक्टिभ नगरेका ग्राहकले पुस १६ गते वा सो भन्दा पछी एक्टिभेट गरी सुविधा लिन सक्ने टेलिकमले बताएको छ । नयाँ सिमकार्डको मूल्य ९० रुपैयाँ नै कायम गरिएको छ ।
