आईसीटी समाचार
सरोजकुमार बस्नेतसहित ४० जना शैक्षिक परामर्श व्यवसायीहरु इक्यानमा प्रवेश गरेका छन् । उनीहरुलाई नेपाल शैक्षिक परामर्श संघ (इक्यान)का अध्यक्ष विष्णुहरि पाण्डेले सोमबार डिल्लीबजारस्थित इक्यानको कार्यालयमा स्वागत गरेका हुन् ।
पाण्डेले बस्नेतलाई इक्यानको सल्लाहकारको जिम्मेवारी दिइएको प्रमाणपत्र समेत प्रदान गरेका हुन् । साथै अन्य सबै नयाँ सदस्यलाई समेत प्रमाण पत्र वितरण गरिएको हो ।
ठूलो टिमलाई एकैसाथ स्वागत गर्दै अध्यक्ष पाण्डेले अब सबै एकजुट भएर अगाडि बढ्नु पर्ने बताए । ‘यो जुट्ने बेला हो, त्यसैले सबै एकैठाउँ उभिनु पर्छ, नीतिगत तहदेखि हरेक काममा एकजुट भएर अगाडि बढ्नुपर्छ,’ अध्यक्ष पाण्डेले भने ।
कार्यक्रममा बोल्दै महासचिव शेषराज भट्टराईले उहाँहरु केही समय भ्याकेसनमा जानु भएको थियो, फेरि फर्किएर घर आउनु भयो भन्दै स्वागत गरेका थियो ।
सरोज बस्नेतले हिजोका दिनमा जे जस्तो गल्ती भए पनि अब आगामी दिनमा मिलेर अगाडि बढ्नुपर्ने बताए । साथै आफूहरुलाई इक्यानले गरेको स्वागतबाट निकै खुसी भएको समेत बताएका छन् ।
उनले आगामी पुस २६ गते हुने साधारण सभामा भव्य बनाउन सबै मिलेर अगाडि बढ्नुपर्ने बताए । पेन्सिलमा पनि इरेजर हुन्छ, केही गल्ती भए मेट्नुपर्छ, हामी मानिसले पनि कहिले काँही काम गर्दा गल्ती हुन सक्छ त्यसैबाट पाठ सिकेर अगाडि बढ्ने हो,’ बस्नेतले भने ।
