आईसीटी समाचार
नेपालका लागि जिली ईएक्सफाइभको आधिकारिक वितरक तथा विक्रेता एलआरआर मोटर्स (LRR Motors) ले नेपाली अटोमोबाइल उद्योगमा नयाँ उदाहरण प्रस्तुत गर्दै २०२६ मोडलको जिली ईएक्सफाइभ वर्षको सुरुवातमै सार्वजनिक गरेको छ।
सामान्यतया नेपालमा नयाँ मोडलका सवारीसाधनहरू वर्षको मध्यतिर मात्र भित्रिने प्रचलन रहे पनि एलआरआर मोटर्सले उक्त अभ्यासलाई तोड्दै सन् २०२६ को पहिलो महिनामै नयाँ मोडल नेपाल भित्र्याएको हो। कम्पनीका अनुसार यसले नेपाली ग्राहकलाई विश्व बजारसँगै अद्यावधिक अटोमोबाइल प्रविधि समयमै उपलब्ध गराउने प्रतिबद्धता झल्काउँछ।
यस कदमले जिली ईएक्सफाइभ खरिद गर्ने तयारीमा रहेका ग्राहकलाई अपेक्षाभन्दा चाँडै नयाँ मोडलको सवारीसाधन प्राप्त गर्ने अवसर मिलेको छ। समयअघि नै नयाँ मोडल उपलब्ध हुँदा उच्च पुनःविक्रय मूल्य, अद्यावधिक प्रविधि तथा भविष्य–मैत्री ड्राइभिङ अनुभव सुनिश्चित हुने विश्वास कम्पनीले व्यक्त गरेको छ।
२०२६ मोडलको जिली ईएक्सफाइभमा इनबिल्ट एप्पल कारप्ले र एन्ड्रोइड अटो जडान सुविधा उपलब्ध छ। यसमार्फत स्मार्टफोनसँग सहज एकीकरण भई नेभिगेसन, कल, सन्देश तथा मनोरञ्जन सामग्री सुरक्षित र सुविधाजनक रूपमा प्रयोग गर्न सकिनेछ। यसले नेपालमा तीव्र रूपमा विस्तार हुँदै गएको इलेक्ट्रिक एसयूभी (EV) बजारमा जिली ईएक्सफाइभलाई प्रविधिमैत्री विकल्पका रूपमा अझ मजबुत बनाएको छ।
एलआरआर मोटर्सका सेल्स हेड अधिर श्रेष्ठले अत्याधुनिक एप्पल कारप्ले र एन्ड्रोइड अटो सुविधाले नयाँ ईएक्सफाइभले ग्राहकलाई थप सुविधा, कनेक्टिभिटी र दीर्घकालीन मूल्य प्रदान गर्ने बताए।
कम्पनीका अनुसार वर्षको पहिलो महिनामै २०२६ मोडल सार्वजनिक हुनु चीनस्थित जिली अटो ग्रुपसँगको बलियो समन्वय तथा नेपालमा विश्व बजारका नयाँ मोडल ढिलाइबिनै ल्याउन सक्ने एलआरआर मोटर्सको तयारीको प्रमाण हो।
समयअघि नै नयाँ मोडल उपलब्ध गराइँदा ग्राहकले पुराना वा आउटगोइङ मोडल खरिद गर्नुपर्ने अवस्था नआउने कम्पनीको भनाइ छ। यस पहलले एलआरआर मोटर्सलाई बजारको समयरेखाभन्दा अगाडि सोच्ने र ग्राहक अपेक्षामा केन्द्रित ब्रान्डका रूपमा स्थापित गरेको छ।
यस समयमै गरिएको सार्वजनिकरणसँगै एलआरआर मोटर्सले नवप्रवर्तन, ग्राहक सन्तुष्टि र विश्वस्तरीय सवारीसाधन नेपाली बजारमा उपलब्ध गराउने आफ्नो प्रतिबद्धतालाई थप सुदृढ बनाएको छ।
