आईसीटी समाचार
विश्वको ठुलो प्रविधि प्रदर्शनी कन्जुमर इलेक्ट्रोनिक शो (सीईएस) सुरु भइसकेको छ । अमेरिकामा भइरहेको ‘सीईइस २०२०’ जनवरी ७ देखि १० सम्म चल्ने छ ।
यस शोमा यस पटक पनी नयाँ नयाँ प्रविधि सार्वजनिक तथा घोषणा भएका छन् । कन्जुमर इलेक्ट्रोनिक शो (सीईएस) जारी रहेकाले अझै नयाँ नयाँ प्रविधिहरु सार्वजनिक तथा घोषणा हुनेछन् । हामीले सार्वजनिक तथा घोषणा भएका केही प्रविधिहरु जानकारी दिदै छौ ।
वानप्लस (कन्सेप्ट वान)
कन्जुमर इलेक्ट्रोनिक शोमा वानप्लसले कन्सेप्ट वान (मिकल्यारेन इडिसन) मोबाइल सार्वजनिक गरेको छ । यसमा पछाडीपट्टी इनभिजिबल अर्थात नदेखिने क्यामेरा रहेको छ । मिकल्यारेन प्रविधि पनि यस फोनमा समावेश भएको छ ।
सामसुङको बली रोबोट
यस्तै समासुङले ‘बली’ नामक रोबोट प्रदर्शनी गरेको छ । आर्टीफिसियल इन्टेलिजेन्समा आधारित रहेको यो बल जस्तै छ । यो घरको अगाडी पछाडी घुमी रहने छ । यसमा क्यामेरा पनि जडान गरिएको छ । सामसुङको भनाई अनुसार स्मार्टहोम कन्ट्रोल गर्नेमा यसले मद्दत गर्ने छ ।
निओन
यसैगरी सामसुङले सार्वजनिक गरेको ‘नियोन’ आर्टीफिसयल इन्टेलिजेन्समा आधारित एउटा मानव हो ।
लेनोभोको थिंकप्याड एक्सवान फोल्ड ल्याप्टप
उक्त शोमा लेनोभोले ‘थिंकप्याड एक्सवान फोल्ड’ ल्याप्टप सार्वजनिक गरेको छ । यसमा ओएलइडी स्क्रीन सहित फोल्डेबल स्क्रीन रहेको छ ।
प्ले स्टेसन ५
सोनीले ‘प्ले स्टेसन ५’ को घोषणा गरेको छ । सीईएसमा सोनीले प्ले स्टेसन ५ को लोगो सार्वजनिक गरेको छ । यसमा थ्रीडी अडीयो साउन्ड हाई स्पीड सोलिड स्टेट ड्राइभ (एसएसडी) मिल्ने छ ।
टीसीएल टेन प्रो फोन
टीसीएल ले पनि ‘टेन प्रो’ स्मार्टफोन सार्वजनिक गरेको छ । यसमा पछाडीपट्टी चारवटा क्यामेरा रहेको छ ।
मर्सिडीज भिजन एभिटीआर कार
सीइएसमा मर्सिडीजले ‘भिजन एभिटीआर’ कार सार्वजनिक गरेको छ । जुन अभतार फिल्ममा आधारित छ । अभतार सन् २००९ मा सार्वजनिक भएको मुभी हो । यस कारमा ब्रेथ रेट र हार्ट रेट लिंक गरिएको छ । कारले स्टेरीङमा हात राख्ने बितिकै ब्रेथ रेट र हार्ट रेट थाहा पाएर आफै प्रतिक्रिया जनाउने छ । गाडीको लुक अभतार मुभीको जस्तै छ । जुन अभतारमा जनावरको हुन्छ ।
सोनीको भिजन एस इलेक्ट्रीक कार
सोनीले पनि यस शोमा ‘भिजन एस’ इलेक्ट्रीक कार सार्वजनिक गरेको छ । यसमा धेरै सेन्सरहरु जडान गरिएको छ । यसमा ड्राइभरलेस प्यारलल पार्किङ पनि सम्भब रहेको छ । गाडीमा बसेका प्रत्येक व्यक्तीका लागी स्पीकर हुनेछ ।
एआई टुथब्रस
कोलगेट र ओरल बीले आर्टीफिसियल इन्टेलिजेन्समा आधारित टुथब्रस सार्वजनिक गरेका छन् । यसमा स्मर्ट डिस्प्ले पनि हुनेछ । जसले ब्रस गर्दा मोटीभेसन र कोचिङ दिनेछ ।
जेम्स
सामसुङले यस कार्यक्रममा ‘गेट इनह्यानसिङ तथा मोटीभेटिङ सिस्टम’ (जेम्स) सार्वजनिक गरेको छ । यसले तपाई कसरी उभिनु हुन्छ यसको पोजीसन, कसरी बस्नु हुन्छ लगायत शरीरको अवस्थालाई सही बनाउन मद्दत गर्छ । यसलाई व्यक्तीगत फिटनेस पार्टनरको रुपमा हेर्न सकिन्छ ।
एलजीको स्मार्ट रेफ्रिजेनेरेटर
यस्तै एलजीले स्मार्ट रेफ्रिजेनेरेटर पनि सार्वजनिक भएको छ । जसले फ्रिजमा भएका सामानलाई पहिचान गर्न सक्छ । यसले फ्रिजमा यो यो सामान छन् यी खाना बानउन सकिन्छ भनेर पनि सुझाब दिनेछ । यसले फ्रिजमा के के छ के सकिन लाग्यो भनेर पनि जानकारी दिने छ ।
सामसुङ ग्यालेक्सी क्रोमबुक
त्यस्तै यसै कार्यक्रममा सामसुङ ग्यालेक्सी क्रोमबुक पनि सार्वजनिक भएको छ । यसमा फोर के ओएलइडी डिस्प्ले रहेको छ । सामसुङले सेरो टीभी पनी सार्वजनिक गरेको छ । जुन फोर के टीभी हो ।
