आईसीटी समाचार
महानगरीय प्रहरी प्रभाग नागढुङ्गाको टोलीले भन्सार छलेर ल्याइएको एकसय सात थान मोबाइल फोनका सेट बरामद गरेको छ।
प्रहरीको टोलीले विरगंजबाट काठमाडौँ आउँदै गरेको ना ६ ख १५३४ र नेपालगञ्जबाट काठमाडौँ आउँदै गरेको ना ७ ख ७३९५ नम्बरको बस चेकजाँचका क्रममा ती मोबाइल बुधबार बरामद गरेको हो ।
प्रहरीले करिब ३५ लाख बराबर मूल्यको मोबाइल सेट बरामद गरेको छ । बरामद भएका मोबाइल फोनका सेटलाई अनुसन्धान तथा कारवाहीका लागि भन्सार कार्यालय सानोगौचरन पठाइएको प्रहरीले जनाएको छ ।
मोबाइल फोनका सेटहरु चालक बस्ने पछाडी सेतो टेपले बरेर ल्याएको अवस्थामा प्रहरीले बरामद गरेको हो ।
