प्रतिएमबी ५ पैसामै डाटा चलाउन सकिने

तपाईलाई एकै पटक धेरै डाटा प्रयोग गर्नुपर्ने आवश्यकता छ । त्यसो भए अब चिन्ता गर्नु पर्दैन । यसको समाधानको लागि नेपाल टेलिकमले लार्ज डाटा प्याक उपलब्ध गराइरहेको छ ।

यो प्याक एक पटक सब्सक्राइब गरेपछि लामो समय सम्म चलाउन पाइन्छ र तुलनात्मक रुपमा निकै सस्तो पनि पर्दछ ।

कम्पनीले यस अन्तर्गत ३० जीबी र ६० जीबीको प्याक उपलब्ध गराइरहेको छ । ३० जीबीको प्याक आवश्यकता अनुसार ९० दिन सम्म चलाउन सकिन्छ । यस प्याकको मूल्य १ हजार ६ सय रुपैयाँ रहेको छ ।

त्यसैगरी ६० जीबी प्याक १ सय ८० दिन सम्म प्रयोग गर्न सकिन्छ । यसको मूल्य ३ हजार रुपैयाँ छ । यसरी प्याक प्रयोग गरी डाटा चलाउदा प्रतिएमबी करिब ५ पैसा मात्र खर्च हुन्छ ।

लार्ज डाटा प्याक लिनका लागि आफ्नो मोबाइलबाट *१४१५# डायल गरेर विन्टर अफर अन्तर्गतको लार्ज डाटा प्याक छनोट गर्नु पर्दछ ।

त्यसैगरी सिधै *१४१५*१*७# डायल गरेर पनि यो सेवा लिन सकिन्छ । त्यसपछि आफूलाई आवश्यक ३० जीबी डाटाका लागि १ र ६० जीबी डाटाका लागि २ छनोट गरी प्याक लिन सकिन्छ ।

मोबाइलबाट एसएमएस पठाएर पनि यी प्याकहरु लिन सकिन्छ । जसको लागि ३० जीबी डाटाको लागि DATA30GB र ६० जीबी डाटाको लागि DATA60GB लेखेर १४१५ मा एसएमएस पठाउनु पर्दछ ।