आईसीटी समाचार
फाल्गुन २४ गते देखि चैत्र १ गते सम्म हुने भनिएको कारखानाको एक हप्ते कार्यक्रम ‘ कारखाना मेला ’ स्थगित भएको छ ।
सार्वजनिक जमघटबाट टाढा रहन सरकारले गरेको अपिललाई ध्यानमा राखि सुरक्षालाई प्राथमिकता दिदै कारखानाले एक हप्ते लामो कार्यक्रम ‘ कारखाना मेला ’ स्थगित गरेको हो।
यद्यपि शिक्षा क्षेत्रका व्यक्तित्वहरुले भने व्यक्तिगत रुपमा वा सानो संख्यामा भ्रमण गर्न सक्नेछन् । कारखाना एक नेपाली शैक्षिक संस्था र बालबालिकाहरुका लागि सिकाईका अनुभवहरू डिजाइन गर्ने मेकरस्पेसको रुपमा चिनिन्छ।
राजधानी काठमाडौंबाट पोखरा, विराटनगर, बुटवल, चितवन लगायत इंडिया, बंगलादेश, दुबई तथा अन्य दक्षिण एसियाली देशहरुमा पनि कारखानाका कार्यक्रमहरु फैलिएका छन् ।
६० जना उस्तै विचारधाराका भएका व्यक्तिहरूको टोलीले यो संस्था चलाउँदै आएका छन्। कारखानाले प्रत्येक हप्ता लगभग ६००० जना विद्यार्थीहरूलाई स्टीमका (Science, Technology, Engineering, Arts & Design, Mathematics) कार्यक्रमहरू संचालन गरिरहेको छ ।
२०१२ सालमा स्थापना गरिएको कारखानाको मुख्य उद्देश्य भनेको बालबालिकाहरूलाई विज्ञान र प्रविधि प्रयोग गर्ने रचनात्मक तरिकाहरू देखाउँदै, केही बनाउदै पढ्न सिकाउने हो ।
%20(1).jpg)
नेपाली विज्ञान पाठ्यक्रम र सिकाई पद्धती राम्रै सैद्दान्तिक ज्ञान दिन्छ तर व्यवहारिक विज्ञान सिकाई र पढाईको भने ठूलो अभाव छ । कारखानाका किताब र विज्ञान विषयको पढाई सामग्री (kits) विशेषगरी शिक्षकले भोग्ने चुनौतीलाई सोचेर तयार पारिएको छ ।
त्यसकारण किट्सहरु (kits) थोरै मुल्यमा उपलब्ध छन् र यसको लागि विशेष ल्याब (lab) आवश्यकता पनि पर्दैन । यी किट्स प्रयोग गर्नको लागि हरेक कक्षाकोठा नै ल्याब हुन् ।
संगसंगै २१ औं शताब्दीमा सान्दर्भिक हुनका लागि बालबालिकाले आफ्नो ज्ञानलाई किताबभन्दा बाहिर पनि विस्तार गर्नुपर्छ भन्ने कुरामा कारखानाले जोड दिएको छ ।
बालबालिकालाई रमाइलो लाग्ने खालका विषय – प्रविधि, गेमिङ (gaming), रोबोटिक्स (robotics), एनिमेसन (animation), क्राफ्ट (craft) जस्ता कार्यक्रम तयार परेर बालबालिकाहरुलाई सफ्ट स्किल (soft skills) र क्रिटिकल थिङ्किङ (crtitical thinking) सिकाउन काम कारखानाले गरिराखेको छ ।
.jpg)
यस फाल्गुन २४ गते हुन लागेको कारखाना मेला उद्घाटन समारोह, फाल्गुन २५ को जेननेकस्ट पार्टी र अन्तिमको चैत्र १ गतेको भव्य सार्वजनिक कारखाना मेलालाई स्थगित गरिएको छ।
कार्यक्रममा सरकारी कार्यालयका प्रतिनिधि, कूटनीतिक नियोगहरूका प्रमुख, तथा सुरक्षा बल, खेलकुद, संगीत र चलचित्र उद्योगका व्यक्तित्वहरुलाई पनि आमन्त्रित गरिएको थियो ।
चैत्र १ गतेको सार्वजनिक मेला भने विभिन्न क्षेत्रका व्यक्तित्व, विध्यालय व्यवस्थापक, शिक्षकवर्ग तथा अभिभावकजन र बालबालिकाहरुलाई विशेष लक्षित गरि तयार पारिएको देखिन्छ।
यद्यपि इच्छुक विध्यालय व्यवस्थापक वा शिक्षकवर्गका लागि भने फाल्गुन २४ गते देखि चैत्र २ गते सम्म कारखानाको स्थलगत भ्रमण खुल्ला रहनेछन।
स्थलगत भ्रमण व्यक्तिगत र साना समूहमा गर्न सकिने आयोजकहरुले जनाउनु भएको छ।कारखानाको स्थलगत भ्रमणबाट यी विचार धारालाई अझै गहिरो रुपमामा बुझ्न सकिनेछ ।
