सरकारले सार्बजनिक गर्यो कोरोना सम्वन्धी लक्षण मुल्यांकन गर्न मिल्नेगरीको वेबसाइट

सरकारले कारोना अर्थात COVID 19 को जानकारी दिने तथा लक्षण मुल्यांकन समेत गर्न मिल्नेगरी आधिकारिक वेबसाइट तथा एप सार्वजनिक गरेको छ । covid19.moph.gov.np मा कोरोना सम्वन्धी कुनै लक्षण देखिए फर्म भरी रिपोर्ट गर्न सकिनेछ ।

यस वेबसाइटमा देशभरी परिक्षण हुने अस्पतालको जानकारी दिइएको छ भने हटलाइन सम्पर्क नम्बरहरु पनि उपलब्ध गराइएको छ । यस वेबसाइटमा सरकारले गरिरहेका कामहरुको पनि जानकारी दिइएको छ । सरकारका दैनिक रिपोर्टहरु यसमा राखिएको छ ।

यसैगरी यस वेबसाइटमा परिक्षण गरिएको जानकारी र तथ्यांकहरु प्रस्तुत गरिएको छ भने कोरोना सम्वन्धी जानकारी मुलक सामग्री र प्राय सोधिने प्रश्नहरु समावेश गरिएको छ ।

यसैगरी कोरोना भाइरस रोकथाम तथा नियन्त्रणको कामलाई व्यवस्थित गर्न सरकारले शनिबारदेखि एक लर्निङ प्लाटफर्म सञ्चालनमा ल्याएको छ । डाँफे हेल्थ डटकम वेबसाइटको कोभिड-१९ लर्निङ प्लाटफर्मबाट डाक्टर, स्वास्थ्यकर्मी तथा स्वास्थ्य क्षेत्रमा आबद्ध हुने व्यक्तिहरुलाई आवश्यक पर्ने ज्ञान तथा सीपको अनलाइन कोचिङ पनि  प्रदान गरिने छ ।