आईसीटी समाचार
साइबर सुरक्षा प्रदान गरिरहेको भारतिय कम्पनी के सेभेन कम्प्युटिङले विश्वभर कोरोना भाइरसको महामारी फैलिएको अबस्थामा साइबर सेक्युरिटीका प्रडक्टहरु निशूल्क दिने भएको छ ।
के सेभेनले आफ्ना साइबर सेक्युरिटीका प्रडक्टहरु निशूल्क दिने जानकारी दिएको हो । अहिले भारतमा आफ्ना प्रडक्टहरु निशूल्क दिएको र नेपाल सहित कोरोना भाइरसबाट प्रभावित विश्वका अन्य देशहरुमा पनि यो सेवा विस्तार गर्ने के सेभेनले बताएको छ ।
अहिले भारतमा आफ्ना प्रडक्टहरु निशूल्क दिएको र कोरोना भाइरसबाट प्रभावित विश्वका अन्य देशहरुमा पनि यो सेवा विस्तार गर्ने के सेभेनले बताएको छ ।
महामारीको यो समयमा साइबर आक्रमणको खतरा भएकाले उपभोक्ता तथा विभिन्न संघसंस्थाहरुको सुरक्षाको लागि योगदान दिन आफ्ना प्रडक्टहरु निशूल्क उपलब्ध गराएको के सेभेन कम्प्युटिङले जानकारी दिएको छ ।
के सेभेन टोटल सेक्युरिटी, के सेभेन मोबाइल सेक्युरिटी, के सेभेन क्लाउड इन्ड पोइन्ट सेक्युरिटी लगायतका के सेभेन साइबर सेक्युरिटीका प्रडक्टहरु निशूल्क दिएको छ ।
नेपालमा पनि यी प्रडक्टहरु केहि समयको लागि नि:शुल्क उपलब्ध गराइने नेपालको आधिकारिक वितरक कम्प्युटर प्लानेटले जनाएको छ । प्रयोगकर्ताले आवश्यक प्रडक्ट प्रयोग गर्न आधिकारिक वेबसाइट www.k7computing.com भिजिट गरि डाउनलोड गर्न कम्पनीले आग्रह गरेको छ ।
यी प्रडक्टहरु कम्प्युटर, मोबाइल तथा इन्डपोइन्ट सुरक्षाको लागि प्रयोग गर्न सकिने छ । के सेभेन ल्याब्सको रियल वर्ल्ड टेलिमेट्री डेटा अनुसार फेब्रुअरी २ देखि मार्च २५ सम्म ३० प्रतिशतले साइबर आक्रमणमा वृद्धि भएको कम्पनीले बताएको छ ।
