आईसीटी समाचार
तपाईँहरु प्राय सबैले प्रयोग गर्नुहुन्छ होला कम्प्युटर । तर कम्प्युटरमा स्क्रीन सट कसरी लिने भनेर थाहा पाउनु भएको छैन् । भने हामी तपाईँलाई कम्प्युटरमा कसरी स्क्रीन सट लिने भनेर जानकारी दिदैछौं ।
तपाईंले यी तीन तरिकाबाट थर्ड पार्टी सफ्टवेयरको प्रयोग बिना स्क्रीन सट लिन सक्नु हुनेछ ।
सटकट की
सटकट की को प्रयोग गरेर कम्प्युटरमा स्क्रीन सट लिन सक्नु हुनेछ । जसको लागि किबोर्डमा विन्डोज की र प्रिन्ट स्क्रीन की थिच्नु होस ।
यो तरिकाबाट स्क्रीन सट लिएपछि कम्प्युटर वा दिस पीसीमा गएर पिक्चर भन्ने अप्सनमा जानुहोस । त्यहाँ गई सकेपछि स्क्रीन सट फोल्डर भित्र तपाईंले लिएको स्क्रीन सट पाउनु हुनेछ ।
स्निपीङ टुल
यो सफ्टवेयर विन्डोजमा उपलब्ध रहेको छ । यो पहिले नै हुन्छ तपाईँले डाउनलोड गर्न पर्दैन । सुरुमा यो सफ्टवेयरलाई ओपन गर्नुहोस ।
त्यसपछि तपाईंले न्यूमा क्लिक गरेर जुन भागको स्क्रीन सट लिन चाहानु हुन्छ त्यो भागको स्क्रीन सट लिन सक्नु हुनेछ । यसरी लिएको स्क्रीन सट पनि तपाईंले कम्प्युटरको पिक्चर अप्सनमा पाउनु हुनेछ ।
प्रिन्ट स्क्रीन की
प्रिन्ट स्क्रीन किको सहयोगबाट पनि तपाईंले स्क्रीन सट लिन सक्नुहुन्छ । जसको लागि स्क्रीन सट लिने भाग ओपन गरी प्रिन्ट स्क्रीन की थिच्नुहोस । त्यसपछि तपाईले कम्प्युटरको पेन्ट सफ्टवेयर खोल्नुहोस ।
पेन्ट सफ्टवेयर पनि डाउनलोड गर्नु पर्दैन कम्प्युटरमा नै हुन्छ । पेन्ट सफ्टवेयर खुलेपछि कन्ट्रोल भि प्रेस गर्नुहोस । प्रेस गरेपछि तपाईँले सेभ गरेरे प्रयोग गर्न सक्नु हुनेछ ।
