आईसीटी समाचार
नयाँ वर्षको अवसरमा दूरसञ्चार सेवा प्रदायक कम्पनी एनसेलले नयाँ अफर ल्याएको छ । जस अन्तर्गत अब २.४९ रुपैयाँ ( कर सहित ३.१८) मा प्रति मिनेटका दरले विश्वका १५ देशमा कल गर्न सकिने छ ।
अष्ट्रेलिया, बंगलादेश, भुटान, चीन, हङकङ, भारत, जापान, इन्डोनेसिया, मलेसिया न्युजिल्यान्ड, रोमानिया, सिंगापुर, दक्षिण कोरिया, स्वीडेन तथा बेलायतमा कल गर्दा छुट पाउन सकिने छ ।
यो अफर *१७१०७# डायल गरेर वा अङग्रेजीमा ठूलो A टाइप गरी म्यासेज पठाएर पनि लिन सकिने छ । त्यस्तै १७१०७ मा कल गरेर पनि यो सुविधा प्रयोग गर्न सकिने छ । यो अफर बैशाख ३० गतेसम्मको लागि मान्य हुनेछ ।
त्यसैगरी एनसेलको सीमबाट गीत म्युजिक एप बैशाख ३० गतेसम्म निःशूल्क प्रयोग गर्न सकिने छ । म्युजिक स्टेशन तथा भक्ति सङगीत पनि बैशाख ३० गतेसम्मको लागि निःशूल्क प्रयोग सकिने छ ।
म्युजिक स्टेशन निःशूल्क प्रयोग गर्नको NY टाइप गेरेर १७१४० मा एसएमएस पठाउनु पर्नेछ । एसएमएस पठाइसकेपछि १७१४० मा रहेका गीतहरु आइभिआर मार्फत दिनको १० मिनेट निःशूल्क सुन्न सकिने छ ।
त्यसैगरी भक्ति संगीत निःशूल्क प्रयोग गर्नको NY टाइप गेरेर १७१४८ मा एसएमएस पठाउनु पर्नेछ । एसएमएस पठाइसकेपछि १७१४८ मा रहेका गीतहरु आइभिआर मार्फत दिनको १० मिनेट निःशूल्क सुन्न सकिने छ ।
एनसेलको नयाँ वर्ष अफरमा एक घण्टी रेडियो अन्तर्गत १७१६५ डायल गरेर नयाँ वर्ष २०७७ सालको राशिफल सुन्न सकिने छ । दिनमा १५ मिनेट मात्रै यो सेवा प्रयोग गर्न सकिने छ । यो सेवा बैशाक ४ गते सम्म मात्र उपलब्ध रहेको छ ।
त्यस्तै ग्राहकले एनसेलको सापटी अफर अन्तर्गत २० रुपैयाँमा २५० एसएमएस र २५० एमबी डाटा प्राप्त गर्न सक्ने छन् । भने १० रुपैयाँमा २५० एसएमएस प्राप्त गर्न सक्ने छन् ।
