घरै बसेर बालबालिकाहरुलाई कसरी सिकाउने?

सोमबार, १ बैशाख, २०७७

लकडाउन लम्बिएर आज हामी तेस्त्रो हफ्ता सम्म आइपुगेका छौँ। यस्तै रही राख्ने हो भनि अझ एक दुइ हफ्ता घरमै बस्नु पर्ने इस्तिथि आइपर्न सक्ने कुरा त हामीलाई अवगत नै छ। यस परिस्थितिमा हामी सबै चिन्तित छौ, मुख्य त अभिभावकवर्गहरु लाई आफ्नो नानीबाबुको पढाईलाई लिएर चिन्ता होला।

सामान्य अवस्था भएको भए, यो बेला विद्यालयको नयाँ सेसन् सुरु हुने बेला हो तर कारणवश ढिला सुरु हुने कुरा त छदैछ संगसंगै घरमै बसेको समय लाई कसरी प्रोडकटिभ बनाउने भन्ने पनि छ। विभिन्न देशहरुमा अभिभावकहरुले 'होम स्कुलिङ्' को पनि सुरुवात गरिसक्नु भएको छ। यस्तो समयमा कसरी सिक्ने र सिकाउने भन्ने कुरा पनि मन म उठिरहेको होला।

त्यसैले यो अप्ठेरो घडीमा पनि हामी हाम्रो तर्फाबाट हर सम्भव उपयोगी हुन चाहन्छौ अनि सहयोग गर्न चाहन्छौं । कारखानाले धेरै विद्यालय व्यवस्थापक अनि अभिभावकहरुको सुझावलाई लिएर , केहि घर मै बसेर अनलाइन मार्फत उपयोग गर्न मिल्ने श्रोतहरु बनाएका छौँ । यसमा केहि भिडियो, केहि लेख , केहि अन्तरवार्ता, केहि अनलाइनमा सिक्ने सामग्रीहरुको निर्माण तथा संकलन गरेका छौँ ।

धेरै विज्ञहरु , विभिन्न श्रोतहरुसंगको सहकार्यमा कारखाना टिमले दिन रात गरी यो सबै सिकाईका श्रोत, अनि सिकेका अनुभवहरुको निर्माण गरेकाछौं । यी निशुल्क सामग्रीहरुम विशेस गरी नानिबौहरुको लागि सिकाई निरन्तर राख्न सहयोग पुर्याउने विभिन्न विज्ञान संग जोडिएको अर्थात् घरमै बसेर बनौन मिल्ने, स्टेप बाइ स्टेप निर्देशनहरू छन्। यसबाट नानीबाबुहरुले रमाइलो र क्रीएटिभ कुरा बनाउछन् र संगसंगै विज्ञान पनि सिक्छन् जस्तै:

DIY Balloon powered Car:, DIY Catapult , DIY Gravity Superhero, DIY Loopglider

त्यसै गरी यो अप्ठेरो घडीमा भावनात्मक स्वस्थताको लागि कारखानाले विज्ञहरुसंग मिलेर केहि भिडियो सामग्रीहरु पनि तयार गरेका छौँ।

यो सबै अनलाइन र डिजिटल समग्री नि:शुल्क पाइन्छ www.karkhana।asia ko #Keeplearning र #Wellness क्याटेगोरी उपलब्ध छ। यदि हजुरहरुलाई यस्तै कनटेन्टहरु वा आइडिया चाहिए हामीलाई सम्झिनु होला ।