पाइला टेक्नोलोजीले निर्माण गर्‍यो कोरोना विरुद्ध लड्न ‘युभी डिसइन्फेक्सन रोबोट’

पाइला टेक्नोलोजीले कोरोना भाइरसविरुद्ध लड्न अल्ट्रा भायोलेट (युभी) डिसइन्फेक्सन रोबोटको विकास गरेको छ । यो रोबोटले भाइरसको संक्रमण हुन सक्ने ठाउँमा मानिस जानु भन्दा पहिलेनै लाइटबाट स्टेरिलाइजेसन गर्छ ।

पाइला टेक्नोलोजीले विकास गरेको रोबोट अस्पताल, बैक, एयरपोर्ट, मल, सुपरमार्केट, वायरहाउस, होटेल, कार्यालय तथा सार्वजनिक स्थानमा प्रयोग गर्न सकिने छ ।

अल्ट्रा भायोलेट डिसइन्फेक्सन प्रविधिको प्रयोग गरेर अटोमेटिक प्रकियाबाट स्टेरिलाइज गर्न सकिने कम्पनीले बताएको छ ।

अन्तराष्ट्रिय रोबोटिक्स महासंघका अनुसार युभी डिसइन्फेक्सनले ९९ प्रतिशत ग्यारेन्टीका साथ किटाणुरहित बनाउछ । कम्पनी अहिले नर्सिङ रोबोटको साथै कम मूल्यमा भेन्टीलेटर विकासको प्रक्रियामा समेत रहेको छ ।