आईसीटी समाचार
कोरोना भाइरस महामारीको समयमा परिवार तथा साथिलाई समर्थन देखाउनको लागि फेसबुकले नयाँ ‘हग’ रियक्सनको सुविधा थपेको छ ।
यो भन्दा अगाडी मानिसहरुले सोही उदेश्यको लागि ‘लभ’ रियक्सनको प्रयोग गर्ने गरेका थिए । तर अब हग रियक्सनले मानिसहरुलाई कोरोना भाइरसको संकटमा समर्थन देखाउन लागि थप मार्ग दिने फेसबुकको विश्वास रहेको छ ।
फेसबुकले म्यासेन्जरमा भने हग रियक्सन प्रयोग गर्ने छैन । तर यसको साटो म्यासेन्जरमा पर्पल रङको मुटको इमोजी प्रयोग हुनेछ ।
म्यासेन्जरमा पर्पल रङको हर्ट अर्थात मुटको इमोजी प्रयोग गर्न म्यासेजमा केही बेर प्रेस गर्नुपर्ने हुन्छ । त्यसपछि यस इमोजीको प्रयोग गर्न सकिन्छ ।
