आईसीटी समाचार
फोब्सको प्रभावशाली महिलाहरुको सूचीमा धेरै कम्पनीका सिइओदेखि रोल मोडल, उद्यमी तथा राजनीतिक क्षेत्रमा कार्यरत धेरै महिला पर्न सफल भएका छन । यसैक्रममा प्रविधिको क्षेत्रमा कार्यरत महिलाहरुको बारेमा फोब्र्सले केहि हाइलाइट गरेको छ ।
सेरिल स्यान्डबर्ग
उनी सन् २०१२ मा फेसबुकको चिफ अपरेटिङ अफिसर हुने पहिलो महिला बनिन् । उनी सोसल नेटवर्किङ फर्म गुगलमा सन् २००७ बाट प्रवेश गरेर आफ्नो करिअरको सुरुवात गरेकी थिइन् । उनी यसअघि युनाइटेडस्टेट्स सेक्रेटरी अफद ट्रेजरीमा चिफकोरुपमा कार्यरत थिइन् । उनले फेसबुकको निरन्तर विकासका लागि सहयोग गरिन् । र टेक इन्डस्ट्रीमा हुने लैंगिक अन्तरलाई सम्बोधन गर्नका लागि पहलसमेत गरेकी थिइन् । उनी अहिले वुमन फर वुमन इन्टरनेसनलको बोर्डमा छिन् । अहिले नेटवर्थ जम्मा १.६ बिलियन डलर रहेको छ ।
सुसन वोजसिस्की
उनी गुगलको सुरुवाती दिनबाटै गुगल टिमसँगै कार्यरत छिन् । उनले १९९९ बाट गुगलमा मार्केटिङ म्यानेजरका रुपमा काम गर्न थालेकी थिइन् । तर त्यसअघि भने उनी क्यालिफोर्नियाको इन्टेल कम्पनीमा मार्केटिङमा कार्यरत थिइन् । वोजसिस्कीले गुगलको गुगल इमेज तथा गुगल बुक्सको विकासमा समेत महत्वपूर्ण योगदान दिएकी छिन् । उनी अहिले भिडियो स्ट्रिमिङ साइट युट्युबको सीइओको रुपमा कार्यरत छिन् । वोजसिस्किको हालैको नेट वर्थ जम्मा ४१० मिलियन
डलर छ ।
जिनी रोमाटी
जिन्नी बिजनेस एक्जेक्युटिभ हुन् अहिले अमेरिकन मल्टिनेसनल टेक्नोलोजी कम्पनी आइबीएम (
International Business Machines Corporation
) को प्रेसिडेन्ट तथा सिइओ हुन् । साथमा उक्त कम्पनीको नेतृत्व गर्न पहिलो महिलासमेत हुन् । उक्त कम्पनीको सीइओ तथा प्रेसिडेन्ट बन्नुअघि सिनियर भाइस प्रेसिडेन्ट र सेल्स, मार्केटिङ तथा स्ट्राटेजीका लागि ग्रुप एक्जेक्युटिभको पद सम्हालिरहेकी थिइन् । उनले आइबिएम कम्पनीमा सन् १९८१ मा सिस्टम इन्जिनियरका रुपमा आबद्ध भएकी थिइन् । ६० वर्षीय बिजनेस एक्जेक्युटिभ जिनी रोमाटीको कुल सम्पत्ति ३२.७ मिलियन डलर छ ।
मेग ह्वाइटम्यान
अमेरिकन मल्टिनेसनल इन्फर्मेसन टेक्नोलोजी कम्पनी
Hewle Packard Enterprise Company
-
HPE
_
को पूर्वसिइओ मेग ह्वाइटम्यान अघिल्लो वर्षको मोस्ट पावरफुल वुमनको सूचीमा १२ औं नम्बरमा पर्न सफल भएकी थिइन् । उनी अमेरिकन बिजनेस एक्जेक्युटिभ, पोलिटिकल
एक्टिभिस्ट तथा फिलान्थ्रोपिस्टसमेत हुन् ।
ह्वाइटम्यानले
Hewlett Packard Enterprise Company
मा प्रेसिडेन्ट र चिफ एक्जेक्युटिभ अफिसरका रुपमा काम गरिन् । साथै उनले सन् १९९८ बाट २००८ सम्म भद्यबथ मा पनि प्रेसिडेन्ट र चिफ एक्जेक्युटिभ अफिसरको पदमा बसेर काम गरेकी थिइन् । उनले १० वर्ष लामो कार्यकालमा ३० जना कर्मचारी र ४ मिलियन डलर वार्षिक आयदेखि १५ हजारभन्दा धेरै कर्मचारी र ८ बिलियन डलर वार्षिक आयसम्म उनले निरीक्षण गरेकी थिइन् । यसका साथै मेग ह्वाइटम्यान सन् २०१४ मा फोब्र्सको अधिक प्रभावशाली महिलाको सूचीमा २० औं नम्बरमा समेत परेकी थिइन् । ह्वाइटम्यानको कुल सम्पत्ति ३ बिलियन डलर रहेको छ ।
एन्जेला अरेन्ड
फोब्र्सको २०१७ को प्रभावशाली महिलाको लिस्टमा एप्पल कम्पनीकी एन्जेला अह्रेन्ड्स १३ औं नम्बरमा पर्न सफल भएकी थिइन । टप् २५ भित्र पछिल्ला वर्षहरुमा भन्दा दुई स्थानमाथि उक्लिएर उनी १३औं स्थानमा परेकी हुन् । एन्जेला अमेरिकन बिजनेस वुमेन हुन् र उनी एप्पल कम्पनीको भाइस प्रेसिडेन्टसमेत हुन् । यसअघि उनले २००६ बाट २०१४ सम्म बरबेरी कम्पनीको सीइओका रुपमा कार्यभार सम्हालेकी थिइन् ।
उनले २०१४ मा बरबेरी कम्पनी कम्पनी छोडेर एप्पल कम्पनी प्रवेस गरेकी थिइन् । उनी बिबिसी रेडियो ४ वुमन आवर १०० पावर लिस्टमा ९ औं प्रभावशाली महिला बन्न सफल भएकी थिइन् । एप्पलको भाइस प्रेसिडेन्टका रुपमा कार्यरत एन्जेलाले अनलाइन सेल्स च्यानल र विश्वकै ठूलो कम्पनीको मोर्टर र ब्रिक्सको सेल्सको उत्तरदाइत्वसमेत वहन गरेकी छन् । अहिले कम्पनीको एक्जेक्युटिभ बोर्डमा उनी एक मात्र महिला रहेकी छन् । उनको तलब ७३.१ मिलियन अमेरिकी डलर रहेको छ भने उनको नेट वर्थ १५० मिलियन रहेको छ ।
साफरा का
ज
फोब्र्सका अनुसार उनि १८ औं प्रभावशाली महिलामा साफरा काज बनेकी थिइन् । काज इजरायली मूलकी अमेरिकन बिजनेस एक्जेक्युटिभ हुन् । उनी १९९९ बाट
Oracle Corporate
मा एक्जेक्युटिभ भएर काम गरिरहेकी छिन् । २०११ बाट उनी उक्त कम्पनीको को सीइओका रुपमा नियुक्त भइन् । २००९ मा उनलाई फच्र्युनले मोस्ट पावरफुल वुमन इन बिजनेसको सूचीमा १२ औं नम्बर राखेको थियो । त्यसपछि २०१४ फोब्र्सले उनलाई उक्त सुचीको १४ औं स्थानमा राखेको थियो ।
Oracle Corporate
मा कम्पनीकी सीइओ साफरा काजको नेटवर्थ ५१० मिलियन डलर छ ।
रूथ पोरट
रूथ पोरट ब्रिटिस अमेरिकन फाइनान्सिील एक्जेक्युटिभ हुन् । उनी अहिले अल्फाबेट कम्पनीको चिफ फाइनान्सियल अफिसर (सीएफओ को रुपमा काम गरिरहेकी छन् । उनी यसअघि मोर्गान स्टानले कम्पनीको एक्जेक्युटिभ भाइस प्रेसिडेन्ट भएर २०१० देखि २०१५ सम्म काम गरेकी थिइन् । वर्ष २०१७ मा फोब्र्सले तयार गरेको प्रभावशाली महिलाको सूचीमा रूथ पोरट २५ औं स्थानमा परेकी थिइन । उनी २०१५ बाट गुगलको प्यारेन्ट कम्पनी अल्फाबेटमा सीएफओको रुपमा काम गरिरहेकी छिन् । गुगलको सेयर मूल्य वृद्धि गर्ने र पहिलो पटक आर्थिक अनुशासन लागू गर्ने एक्जेक्युटिभको श्रेय उनलाई
प्रदान गरिएको थियो । उनलाई
Ú
2018 All America Executive Team
Ú
मा बेस्ट इन्टरनेट सीएफओको रुपमा समेत सम्मानित गरिएको थियो । उनलाई अल्फाबेट कम्पनीले ७० मिलियन डलर दिने सम्झौता गरेर सीएफओको पोस्ट् दिएको थियो ।
लुसी पेंगी
अनलाइन बिजनेस जायान्ट कम्पनी अलिबाबा ग्रुपको फाउन्डरमध्येको एक लुसी पेंगहुन् । उक्त फर्ममा उनी ह्युमन रिसोर्स म्यानेजरका् रुपमा कार्यरत छिन् । उनी चीनमा सेल्फ मेड २१ महिला अर्बपतिमध्ये एक हुन् । २०१० बाट २०१३ सम्म पेंगले अलिपेको सीइओका रुपमा काम गरिन् । उनको म्यानेजमेन्टमा अलिपे चीनको सबैभन्दा सफल पेमेन्ट गेटवे बन्न सफल भएको थियो । अलिपेको २०१४ मा ८०० मिलियनभन्दा धेरै प्रयोगकर्ताहरु भएका थिए र २०१४ को अन्त्यतिर उक्त कम्पनीको भ्याल्यु ३० बिलियन डलर थियो । लुसी पेन्ग फोब्र्सले २०१७ मा सार्वजनिक गरेको प्रभावशाली महिलाको लिस्टमा ३४ औं नम्बरमा पर्न सफल भएकी थिइन । उनको अहिलेको नेट वर्थ १.१ बिलियन डलर रहेको छ ।
एमी हुड
एमी हुड माइक्रोसफ्ट कम्पनीमा चिफ फाइनान्सियल अफिसरका रुपमा कार्यरत अमेरिकन बिजनेस वुमन हुन् । हुडले २००२ मा माइक्रोसफ्ट कम्पनी ज्वाइन गरेकी हुन् । यसका साथै उनले सर्भर र टुल तथा स्ट्राटेजी र बिजनेस डेभलपमेन्ट टिमको प्रमुखका रुपमा समेत काम गरिसकेकी छन् । एमी हुड प्रभावशाली महिलाको सूचीमा ३७ औं नम्बरमा पर्न सफल भएकी छन् । उनलाई २०१३ मा चिफ फाइनान्सियल अफिसरका रुपमा नियुक्त गरेको हो । माइक्रोसफ्ट कम्पनीमा चिफ फाइनान्सियल अफिसर एमी हुड को तलब ११,५८२,१४४ युएस डलर छ ।
जिन लिउ
जिन लिउ चाइनिज बिजनेस एक्जेक्युटिभ हुन् । यसका साथै उनी चाइनाको सबैभन्दा ठूलो मोबाइल ट्रान्सपोर्टेसन प्लाटफर्म
Didi Chuxing
कम्पनीका प्रेसिडेन्ट हुन् । उनले
Goldman SachsAsia
मा म्यनेजिङ डाइरेक्टर हुन्जेल सम्म १२ वर्ष काम गरिन् । यसपछि उनले २०१४ मा उक्त कम्पनी छोडिन् ।
Didi Chuxing
कम्पनीमा प्रवेश गरेपछि उनले
Didi Dache
र यसको मुख्य प्रतिस्पर्धी कम्पनी
Kuaidi
लाई मर्ज गर्ने महङ्खवपूर्ण काम गरिन् । यसपछि उक्त कम्पनीहरु मर्ज भएर
Kuaidi
राखियो । र यसपछि फेरि उक्त कम्पनीको नाम
Didi Chuxing
राखियो । जिन लिउ
२०१७ मा फोब्र्सले सार्वजनिक गरेको विश्वभरका प्रभावशाली महिलाहरुको सूचीमा ४० नम्बरमा पर्न सफल भएकी छिन् ।
