फ्युज मेसिनले सार्वजनिक गर्‍यो एआई इनेबल एजुकेशन प्लाटफर्म ‘फ्युज क्लासरुम’

फ्युज मेसिन्सले आर्टिफिसियल इन्टेलिजेन्स (एआई) इनेबल एजुकेशन प्लाटफर्म ‘फ्युज क्लासरुम’ सार्वजनिक गरेको छ । फ्युज मेसिन्सले शैक्षिक संस्थालाई डिजिटलमा रुपान्तरण गर्नको लागि सहयोग गर्न एआई प्लटाफर्म प्रयोग भएको ‘फ्युज क्लासरुम’ सार्वजनिक गरेको हो ।

कम्पनीले जारी गरिएको विज्ञप्तिमा भनिएको छ, ‘फ्युज क्लासरुम विद्यार्थिहरुलाई ध्यानमा राखेर विकास गरिएको हो । नवीनतम एआई तथा वेब र मोबाइल प्रविधिको संयोजन गरी विद्यालयहरुलाई एआईको युगमा रुपान्तरण गर्न यसले सहयोग गर्नेछ’ ।

फ्युज क्लासरुम एआई सुविधाबाट विद्यार्थिहरुलाई नवीन अनलाइन शिक्षाको अनुभव प्रदान गर्न निर्माण गरिएको कम्पनीले जनाएको छ ।

यसबाट विद्यार्थीहरुको प्रगती निगरानी गर्न, प्रश्नहरुको उत्तर दिन तथा स्मार्ट सिफारिस गर्न सकिन्छ । साथै यसले विभिन्न विद्यालय तथा विश्वविद्यालयहरुको पाठ्यक्रम अनलाइनमा उपलब्ध गराउन मद्दत गर्नेछ ।

फ्युज मेसिन्स एउटा एआईमा काम गरिरहेको कम्पनी हो । फ्युज मेसिन्स अहिले नेपाल, अमेरिका, क्यान्डा र डोमेनिक रिपब्लिकमा फैलिएको छ । फ्युज क्लासरुमको बारे थप जानकारी लिन यहाँ क्लिक गर्नुहोस ।