आईसीटी समाचार
त्रिभुवन विश्वविद्यालय (त्रिवि) ले आफ्ना सबै आंगिक क्याम्पस, स्कुल, विभागहरु तथा सम्बन्धन प्राप्त क्याम्पसलाई अनलाइनबाट कक्षा सञ्चालन गर्न अनुरोध गरेको छ ।
त्रिविले प्रयोगात्मक कक्षा बाहेकका त्रिविका स्वीकृत सबै कार्यक्रम र विषयहरुको अध्ययन अध्यापन अनलाइन मार्फत गराउन शुक्रबार एक सूचना जारी गरेको हो ।
कोरोना भाइरसको कारणले गर्दा देशभर सरकारले लकडाउन घोषणा गरेको छ । जसको कारणले त्रिभुवन विश्वविद्यालयका पनि आंगिक क्याम्पस, स्कुल, विभागहरु तथा सम्बन्धन प्राप्त क्याम्पसहरुमा सम्पूर्ण तहको पठन पाठन बन्द छन् ।
त्रिविले प्रयोगात्मक कक्षा बाहेकका त्रिविका स्वीकृत सबै कार्यक्रम र विषयहरुको अध्ययन अध्यापन अनलाइन मार्फत गराउन शुक्रबार एक सूचना जारी गरेको हो ।
यस अवस्थामा प्रत्यक्ष कक्षा सञ्चालन गर्न असम्भव भएकाले विद्यार्थिहरुको शैक्षिक वर्षमा असर नपरोस भनेर बुधबार बसेको त्रिवि प्राज्ञिक र त्रिवि कार्यकारी परिषदले अनलाइन कक्षा सञ्चालन गर्ने निर्णय गरेको हो ।
त्रिवि कार्यकारी परिषदले तत्कालको अवस्थामा ‘विद्युतिय माध्यमबाट कक्षा सञ्चालन सम्बन्धि निर्देशिका २०७७’ कार्यान्वयनमा ल्याएको छ ।
जस निर्देशिका बमोजिम कक्षा सञ्चालनको लागि सबै डीन कार्यालयमा पत्र पठाइ सकिएको त्रिवि रजिष्टार कार्यालयले जनाएको छ ।
त्रिविले डिन कार्यालयसँग समन्वय गरी विद्युतिय माध्यमबाट कक्षा सञ्चालन गर्न तथा गराउन आग्रह गरेको छ ।
