युरोपमा हुवावे म्युजिक एप तीन महिनासम्म निःशूल्क प्रयोग गर्न सकिने

म्युजिक स्ट्रिमिङ प्लाटफर्म ‘हुवावे म्युजिक’ युरोपमा नयाँ सब्सक्राइबरले तिन महिना निशूल्क ट्रायल  प्रयोग गर्न पाउने भएका छन् ।  हुवावे म्युजिक मोबाइल एप युरोपमा हालै सार्वजनिक भएको हो ।

हुवावे म्युजिक एप ‘हुवावे एप ग्यालरी’ बाट डाउनलोड गर्न सकिने छ । हुवावे म्युजिक एपमा १ करोड १६ लाख मासिक प्रयोगकर्ता छन् । यस एपमा ५ करोड भन्दा बढि ट्रयाकहरु तथा १२ लाख एल्बमहरु उपलब्ध छन् ।

अहिले हुवावे म्यिजिक एप युरोपको युके, आयरल्याण्ड, जर्मनी, फ्रान्स, इटाली, स्पेन, बेल्जियम, स्वीजरल्याण्ड, नेदरल्याण्ड, प्रोतुगल, फिनल्याण्ड, स्वीडेन, नर्वे, डेनमार्क, अष्ट्रिया र ग्रीस लगायतका १६ देशमा उपलब्ध रहेको छ । अन्य देशमा पनि विस्तारै हुवावे म्युजिक विस्तार गर्ने कम्पनीको योजना रहेको छ ।

एजेन्सीको सहयोगमा