अनलाइन कक्षा सञ्चालनको लागि इन्टरनेटमा १५ प्रतिशत छुट दिदै स्काई ब्रोडव्याण्ड

अनलाइन कक्षा सञ्चालनको लागि स्काई ब्रोडव्याण्डले इन्टरनेट खरिदमा १५ प्रतिशत छुट दिने भएको छ । कोरोना भाइरसको समयमा विद्यालयलाई अनलाइन कक्षा सञ्चालनको लागि टेक्नोरियो र स्काई ब्रोडव्याण्डको सहकार्यमा १५ प्रतिशत छुट उपलब्ध गराइएको हो ।

स्काई ब्रोडव्याण्डका प्रमुख कार्यकारी अधिकृत सुमनलाल प्रधान बताउँछन्, ‘ कोरोना भाइरस महामारीको समयमा शिक्षक तथा विद्यार्थि पढाउने तथा सिक्ने क्रियाकलापमा सहभागी हुनुका साथै सस्तो मूल्यमा छुटको साथ इन्टरनेट पाउनेमा हाम्रो विश्वास रहेको छ’ ।

टेक्नोरियो सूचना प्रविधिमा काम गरिरहेको एउटा कम्पनी हो । जसले विद्यालयहरुलाई डिजिटलमा रुपान्तरण गर्नको लागि इन्फर्म सफ्टवेयरको विकास गरेको छ ।

इन्फर्म सफ्टवेयरको प्रयोग गरी विद्यालयहरुले अनलाइनमै नतिजा सार्वजनिक गर्न, अनलाइन एडमिसन गर्न तथा अनलाइनबाटै विद्यार्थिहरुलाई पढाउन सक्छन् । इन्फर्म सफ्टवेयरको बारे थप जानकारी लिन यहाँ क्लिक गर्नुहोस ।