इन्फोले सुरु गर्यो सहकारीबाट बैंकमा रकम ट्रान्सर सेवा

सहकारी संस्थाको खाताबाट बैंकमा रकम ट्रान्सफर गर्न सकिने सेवा इन्फोडेभलर्पस प्रा.लि.ले सुरु गरेको छ । इन्फोले विकास गरेको ‘एमडबली मोबाईल बैंकिङ’ प्लेटर्फमबाट अब सहकारीका सदस्यले आफ्नो खाताको रकम नेपालका जुनसुकै बैंक तथा वित्तीय संस्थाको खातामा रकम ट्रान्सफर गर्न सक्नेछन् ।

सहकारी संस्थाहरुले आफ्ना सदस्यलाई आईतबार (बैशाख १४) गतेबाट सेवा दिन सुरु गरेको कम्पनीका प्रवक्ता सुरेश कंशाकारले जानकारी दिनुभयो । सहकारी संस्थाले यस्तो सेवा सुरु गरेपछि सदस्यहरुले वाणिज्य बैंक, विकास बैंक र फाइनान्स कम्पनीका खातामा रकम ट्रान्सफर गर्न सकिने उहाँले बताउनुभयो ।

इन्फोडेभरर्पससँग झण्डै १ हजार सहकारी संस्था आवद्ध छन् । कम्पनीले मोबाईल बैंकिङ, एटिएम, ईबैंकिङ सेवा सुरु गरिसकेको छ । यसैगरी कम्पनीले केहि समय अघिदेखि ट्याब्लेट बैंकिङ सेवा पनि संचालनमा ल्याइसकेको छ ।

बैंकमा रकम ट्रान्सफरका साथै वालेटमा पनि सिधै रकम लोड गर्न सकिने सुबिधा छ । हाल ईसेवा वालेटमा रकम लोड गर्न मिल्ने र आगामी दिनमा अन्य कम्पनीका मोबाइल वालेटमा पनि रकम लोड गर्न मिल्ने कंशाकारको भनाई छ ।

इन्फोडेभरर्पससँग झण्डै १ हजार सहकारी संस्था आवद्ध छन् । कम्पनीले मोबाईल बैंकिङ, एटिएम, ईबैंकिङ सेवा सुरु गरिसकेको छ । यसैगरी कम्पनीले केहि समय अघिदेखि ट्याब्लेट बैंकिङ सेवा पनि संचालनमा ल्याइसकेको छ ।

नेचुरल सेभिङ एण्ड क्रेडिट कोअपरेटिभ लिमिटेडका सिइओ बिकल्प पाठकले इन्फोडेल्फर्सद्वारा विकसित यस सेवा सहकारी क्षेत्रमा एक नयाँ प्रयोग भएको बताए । उनले भने "हाम्रा सदस्यहरूले यसलाई व्यापक स्तरमा प्रयोग गर्नुहुन्छ भन्ने कुरामा मलाई पूर्ण विश्वास  छ "।

इन्फोडेभरर्पसले बिगत १७ बर्षदेखि नेपालको बैंकिङ, माइक्रोफाइनान्स, सहकारीकासँगै सरकारी तथा गैरसरकारी प्रोजेक्टका सफ्टवेयरहरु निर्माणमा काम गरिरहेको छ ।