आईसीटी समाचार
राष्ट्रिय आविस्कार केन्द्रले कोरोना भाइरसबाट संक्रमित बिरामीका लागि खाना तथा औषधि पुर्याउने रोबोटको विकास गरेको छ ।
कोरोनाको बिरामीलाई खाना तथा औषधि पुर्याउने रोबोटको विकास गर्न अनुसान्धानकर्तालाई ११ दिन लागेको राष्ट्रिय आविस्कार केन्द्रका अध्यक्ष महावीर पुनले जानकारी दिएका छन् ।
रोबोटमा प्रयोग भएको ट्रली नेपाली सेनाले दिएको र अन्य पार्टपुर्जाहरुको लागि लगभग ७५ हजार जति खर्च भएको छ ।
खाना तथा औषधि पुर्याउने रोबोट आइतबार नेपाली सेनाको छाउनी अस्पताललाई प्रदान गर्ने र अन्य यस्तै रोबोटको पनि माग भएकाले अरु यस्तै रोबोट पनि बन्ने आविस्कार केन्द्रले जनाएको छ ।
यस मार्फत नर्स वा डक्टरले बिरामीसँग रियल टाइममा कुराकानी पनि गर्न सक्ने छन् । यसको प्रयोगका लागि नर्सिङ स्टेशनमा एक जना अपरेटर हुनेछन् । सुरज कार्कीको नेतृत्वमा मेकानिकल इन्जिनियरहरुले यो रोबोटको विकास गरेका हुन् ।
यो पनि पढ्नुहोस ।
कोरोना रोकथाममा महाबिर पुन र आविस्कार केन्द्रले के के काम गरे ?
आविस्कार केन्द्रले तयार गर्यो इमरजेन्सी भेन्टीलेटर
आविस्कार केन्द्रले विकास गर्यो एरोसोल बक्स, बिरामीले फेरेको सास सिधै डाक्टरसम्म पुग्न नसक्ने
