आईसीटी समाचार
अनलाइन सपिङ वेबसाइट दराजले ‘दराज विक्रेता सहयात्री कार्यक्रम’ को सुरुवात गरेको छ । कोरोना भाइरसले साना तथा मध्यम उद्यम (एसएमई) क्षेत्रलाई पुर्याएको क्षेतिलाई न्युनिकरण गर्न दराजले ५५ लाख रुपैयाँ बराबरको आर्थिक सहायता सहितको सहयात्री कार्यक्रमको सुरुवात गरेको हो ।
दराजले सहयात्री कार्यक्रम मार्फत आफ्नो व्यवसायलाई सञ्चालन गर्न व्यवसायीलाई अनुरोध गरेको छ । सहयात्री कार्यक्रमले हजारौं साना तथा मध्यम व्यवसायलाई आफ्नो व्यवसाय अनलाइनमा लान र धेरै ग्राहकसामु पुग्न सहयोग हुने दराजको विश्वास रहेको छ ।
यस कार्यक्रम अन्तर्गत साना तथा मध्यम उद्यमलाई दराजले सन् २०२० को मे र जुन महिनाका लागि बजारमा सामान प्रवर्द्धन निःशूल्क र कम समयमै दराजमा पसल स्थापना गरिदिने छ ।
साथै कम्पनीले अनुभवि स्टाफ तथा विज्ञहरुको साथमा दराज युनिभर्सिटी मार्फत निशूल्क शिक्षा समेत प्रदान गर्नेछ ।
त्यस्तै ३० जुनसम्म सबै दराज विक्रेताहरुलाई साप्ताहिक भुक्तानी दिने, सबै एसएमई बिक्रेताको लागि दराज एपमा प्रचार गरिदिने, कार्यक्षमता सुधार गर्न विश्लेषणात्मक उपकरण निशूल्क दिने र नयाँ बिक्रेताहरुलाई अनलाइन पसल स्थापना तथा सञ्चालन गर्न पूर्ण सहयोग गर्ने जस्ता दराज सहयात्री कार्यक्रमका अन्य थप विशेषता रहेका छन् ।
आफ्नो व्यवसायलाई अनलाइनमा लान चाहाने बिक्रताले
दराजको अनलाइन बिक्रेता वेबसाइटमा
गई दर्ता गर्न वा दराजमा सम्पर्क गर्न सक्नेछन् ।
