आईसीटी समाचार
एप्पलले सोमबार १३ इन्चको म्याक बुक प्रोको मोडिफाई भर्सन सार्वजनिक गरेको छ । एप्पलले म्याजिक किबोर्ड सहित फास्ट प्रोसेसर प्रयोग गरिएको १३ इन्चको म्याक बुक प्रो सार्वजनिक गरेको हो ।
यसअघि उपलब्ध ल्याप्टपको किबोर्डमा समस्या आएको गुनासो पछि एप्पलले बटरफ्लाई किबोर्डलाई अन्त्य गरी म्याजिक किबोर्डको प्रयोग गरेको छ ।
१३ इन्चको म्याक बुक प्रोको सुरुवाती मूल्य १२९९ अमेरिकी डलर रहेको छ । भने एजुकेशनको लागि उपलब्ध रहेको ल्याप्टपको मूल्य ११९९ अमेरिकी डलर तोकिएको छ ।
यसमा प्रयोग भएको म्याजिक किबोर्ड एप्पलले सुरुमा १६ इन्चको म्याक बुक प्रोमा प्रयोग गरेको थियो । भने त्यसपछि म्याक बुक एयर पनि थप गरेको थियो ।
यसमा १० औं पुस्ताको इन्टेलको प्रोसेसर प्रयोग गरिएको छ । पहिलाको जनेरेशन भन्दा नयाँ १३ इन्चको म्याक बुकमा डबल स्टोरेज राखिएको छ । यसको इन्ट्री लेबल ल्याप्टपमा ८ जीबी र्याम र २५६ जीबी एसएसडी स्टोरेज रहेको छ । जसमा ८ औं पुस्ताको इन्टेलको प्रोसेसर राखिएको छ ।
१६ जीबी र्याम भएको ल्याप्टपमा १० औं पुस्ताको इन्टेलको क्वाड प्रोसेसर उपलब्ध हुनेछ । आवश्यकता अनुसार यस ल्याप्टपको र्याम र एसएसडीलाई विस्तार गर्न सकिने छ ।
ग्राहकले राम्रो कामको अनुभव लिन र मल्टिपल भर्चुअल मेसिन चलाउन ३२ जीबी र्याम र ४ टीबी रोमको विकल्प पनि छनौट गर्न सक्छन् । कम्पनीले यसमा सुरक्षाको लागि पनि टि२ सेक्युरिटी चीप प्रयोग गरेको छ ।
