आईसीटी समाचार
वल्र्ड ईन्टेलेक्चुअल प्रपर्टी अर्गनाइजेसन (डब्ल्यूआईपीओ) ले प्याटेन्ट कोओपरेसन ट्रिटी (पीसीटी) प्रणाली मातहत अन्तराष्ट्रिय प्याटेन्ट आवेदन २०१९ को नतिजा घोषणा गरेको छ ।
१ हजार ९ सय २७ निवेदनका साथमा ओपो कम्पनी एप्लिकेशन अन्तर्गत पीसीटी फाइलरहरु मध्य उत्कृष्ट पाँचौमा पर्न सफल भएको हो ।
१५० कन्ट्रयाक्टिंग स्टेट्स सहितको अन्तर्राष्ट्रिय ट्रिटी, पीसीटी मातहत १ अन्तर्राष्ट्रिय प्याटेन्ट निवेदन दर्ता गराए बापत निवेदकले विभिन्न देशहरुमा आफ्नो आविस्कारको सुरक्षा प्राप्त गर्न सक्छन् ।
सन् २००९ को सूरुवातदेखि नै ओपा ग्लोबल स्तरमा विभिन्न प्राविधिक क्षेत्रमा आफ्नो प्याटेन्ट एप्लिकेसन विस्तारका लागि तदारुकताका साथ लागि परेको छ ।
यही प्रक्रिया अन्तर्गत ओपोले आफ्नो डब्ल्यूआईपीओ ईन्टरनेसनल प्याटेन्ट्स एप्लिकेसन र्यांकिंगलाई पछिल्लो बर्षको १७ औँ स्थानबाट पाँचौ स्थानमा झार्न सफल भएको छ ।
सन् २०२० को मार्च महिना सम्ममा ओपोले ४३००० ग्लोबल प्याटेन्ट एप्लिकेसन्स दर्ता गराइसकेको छ भने, १६००० ले आधिकारिकता पनि प्राप्त गरिसकेको छ ।
समग्र निवेदन मध्य झण्डै ८८ प्रतिशत आविस्कार सम्बन्धित रहेका छन् । ओपोले ३ हजार भन्दा बढी फाइभजी प्याटेन्ट निवेदन दर्ता गराइसकेको छ र १ हजार ९ सय एआई प्याटेन्ट निवेदन रहेका छन् ।
त्यसैगरी कम्पनीले ६ हजार १ सय ईमेज प्याटेन्ट ग्लोबलरुपमा दर्ता गराइसकेको छ। जसमध्य २ हजारले आधिकारिकता प्राप्त गरिसकेको छ ।
कम्पनीले फास्ट चार्जिंग क्षेत्र अन्तर्गतपनि ग्लोबल स्तरमा २ हजार ७ सय भन्दा बढी निवेदन दर्ता गराइसकेको छ । यी मध्य १ हजार १ सयका लागि आधिकारिकतापनि प्राप्त गरिसकेको छ ।
