कोरोना रोकथामको लागि सरकारले सार्वजनिक गर्‍यो ‘कोभिड एनपी’ मोबाइल एप

सरकारले कोरोना भाइरस रोकथामको लागि ‘कोभिड एनपी’ नामक कन्ट्याक्ट ट्रेसिङ मोबाइल एप सञ्चालनमा ल्याएको छ ।

आईमार्क प्रालिले निशूल्क विकास गरेको उक्त एप शनिबार उप प्रधान तथा रक्षा मन्त्री ईश्वर पोखरेलले सार्वजनिक गरेका हुन् । अहिलेलाई कोभिड एनपी मोबाइल एप गूगल प्ले स्टोरमा उपलब्ध रहेको छ ।  केही दिनमा एप स्टोरमा समेत उपलब्ध हुनेछ ।

यस एपमा कोरोना भाइरस सम्बन्धि विविध जानकारी तथा सूचनाहरु राखिएको छ । ब्लुटुथ प्रविधि मार्फत सम्भावित संक्रमितको पहिचान गर्न यो एपले सहयोग गर्नेछ । जसको लागि प्रयोगकर्ताले ब्लुटुथ भने अन गरेको हुनु पर्नेछ ।

सरकारले मोबाइल एप सँगै वेब पोर्टल समेत सञ्चालनमा ल्याएको छ । कोभिड एनपीको मोबाइल एप डाउनलोड गर्न यहाँ क्लिक गर्नुहोस । भने वेब पोर्टलमा जानको लागि यहाँ क्लिक गर्नुहोस ।