स्न्यापड्रयागन ७६८ जी प्रोसेसर प्रयोग गरिएको साओमीको नयाँ फोन सार्वजनिक

साओमीले चीनमा रेडमी के ३० फाइभ जी एक्सट्रिम इडिसन सार्वजनिक गरेको छ । रेडमी के ३० फाइभ जी एक्सट्रिम इडिसन सेतो, निलो, रातो र पर्पल कलरमा उपलब्ध रहेको छ । यसको मूल्य १९९९ युआन रहेको छ ।

यस फोनमा भर्खरै सार्वजनिक भएको क्वालकमको स्न्यापड्रयागन ७६८ जी प्रोसेसर प्रयोग गरिएको छ । यो चीपसेट १५ प्रतिशत फास्ट रहेको भनाई छ । स्न्यापड्रयागन ७६८ जी प्रोसेसर प्रयोग गरिएको यो पहिलो फोन रहेको छ ।

यो फोन १२० हर्ज रिफ्रेस रेट सहित ६.६७ इन्च फुल एचडी प्लस डिस्प्ले  रहेको छ । यसमा एन्ड्रोइड १० अपरेटिङ सिस्टम रहेको छ । भने कम्पनीको आफ्नो एमआईयुआई ११ राखिएको छ ।

रेडमी के ३० फाइभ जी एक्सट्रिम इडिसनमा ६४ मेगापिक्सेल मुख्य सेन्सर सहित क्वाड क्यामेरा रहेको छ । यसमा २० मेगापिक्सेलको सेल्फी क्यामेरा रहेको छ ।

यो फोन ६ जीबी र्‍याम र १२८ जीबी स्टोरेजको साथमा उपलब्ध रहेको छ । इन्टर्नल स्टोरेजलाई ५१२ जीबीसम्म बढाउन सकिन्छ । यसमा ४५०० एमएएचको ब्याट्री प्रयोग गरिएको छ । जसले फास्ट चार्जिङ सपोर्ट गर्छ ।