आईसीटी समाचार
त्रिभुवन विश्वविद्यालयसँगको सहकार्यमा एनसेलले ‘मोबाइल क्लास डेटा प्याक’ ल्याएको छ । लकडाउनको कारण अनलाइन कक्षाको प्रयोग बढ्दै गएपछि त्रिभुवन विश्वविद्यालयसँगको सहकार्यमा एनसेलले बुधबारबाट ‘मोबाइल क्लास डेटा प्याक’ ल्याएको हो ।
यस प्याकमा विद्यार्थिहरुले करसहित १९१.५४ रुपैयाँमा १६ जीबी डेटा पाउने छन् । जसमा ४ जीबी अल टाइम डेटा (थ्रिजी, फोरजी) र २ जीबी भिडियो डेटा रहेको छ । त्यस्तै १० जीबी डेटा माइक्रोसफ्ट टिम्स प्रयोगको लागि उपलब्ध रहेको छ ।
माइक्रोसफ्ट टिम्सबाट शिक्षकसँग अनलाइन शिक्षा लिन वा आफ्ना साथिहरुसँग समूहमा बसी अध्ययन गर्न सकिने एनसेलले जनाएको छ ।
विद्यार्थीहरुले अलटाइम डेटा कुनै पनि नेटवर्कमा प्रयोग गर्न सक्नेछन् । त्यसैगरी २ जीबी भिडियो डेटा युट्युब, आइफ्लिक्स र अन्य गूगल सेवाहरुको लागि प्रयोग गर्न सकिनेछ ।
मोबाइल क्लास डेटा प्याक ७ दिनसम्म मात्र मान्य हुनेछ । यो प्याक सुचारु गर्न *१७१२३*२०# डायल गर्न सकिने छ । भने ‘edu’ टाइप गरी १७१२३ मा एसएमएस पठाएर पनि यो प्याक सुचारु गर्न सकिने छ ।
