आईसीटी समाचार
राष्ट्रिय आविस्कार केन्द्रले बिग्रेका मिर्गोला डायलाईसिस गर्ने मेसिन निःशूल्क मर्मत गर्ने भएको छ । कोरोना महामारीको समयमा केन्द्रले मिर्गोला डायलाईसिस गर्ने संस्थाहरु र अस्पताहरुको बिग्रेका मिर्गोला डायलाईसिस गर्ने मेशिन निःशूल्क मर्मत गर्ने भएको हो ।
राष्ट्रिय आविस्कार केन्द्रले अहिलेसम्म नेपाल आर्मी अस्पतालको १२ वटा बिग्रेका डायलाइसिस मेसिनहरु मर्मत गरिसकेको छ । आविस्कार केन्द्रका ईन्जिनियर जोसेफ श्रेष्ठको अगुवाईमा र नेपाल बायोमेडिकल ईन्जिनियर एशोशिएसनको स्वयंसेवक बायो मेडिकल इन्जिनियरहरुको सहयोगमा बिग्रेका मिर्गोला डायलाईसिस गर्ने मेशिनको निःशूल्क मर्मत कार्य भइरहेको छ ।
बिग्रेका मिर्गोला डायलाईसिस गर्ने मेशिन निःशूल्क मर्मतको लागि राष्ट्रिय आविस्कार केन्द्रमा सम्पर्क गर्न सकिने छ । साथै राष्ट्रिय आविस्कार केन्द्र अहिलेसम्म विभिन्न अस्पतालका ४० वटा बिग्रेका भेन्टिलेटर समेत मर्मत गर्न सफल भएको छ ।
