आईसीटी समाचार
हुवावेको सब ब्राण्ड अनरले चीनमा फाइभजी ट्याबलेट अनर भीसिक्स सार्वजनिक गरेको छ । अनरको भीसिक्स ट्याबलेटमा १०.४ इन्चको डिस्प्ले रहेको छ ।
यो ट्याबलेट किरिण ९८५ प्रोसेसरबाट सञ्चालित रहेको छ । अनरको यस ट्याबलेटमा एन्ड्रोइड १० अपरेटिङ सिस्टमको प्रयोग गरिएको छ ।
६ जीबी र्याम रहेको यस ट्याबलेट ६४ जीबी र १२८ जीबी इन्टर्नल स्टोरेजमा उपलब्ध रहेको छ । इन्टर्नल स्टोरेज ५१२ जीबीसम्म बढाउन सकिनेछ ।
एन्ड्रोइडमा आधारित यस ट्याबलेटमा १३ मेगापिक्सेलको सिंगल लेन्स रियर क्यामेरा रहेको छ । भने ८ मेगापिक्सेल सेल्फी क्यामेरा रहेको छ ।
अनर भीसिक्स चार स्पीकर र चार माइक्रोफोनमा आउँछ । यसमा ७२५० एमएएचको ब्याट्री रहेको छ । यसले फास्ट चार्जिङको सपोर्ट गर्नेछ । फाइभजी सँगै यसमा वाईफाई सिक्स, ब्लुटुथ, जीपीएस र युएसबी टाइप सी कनेक्टीभिटिको विकल्प रहेको छ ।
कम्पनीले अनर भीसिक्सको मूल्य र उपलब्धता बारे अझै घोषणा गरेको छैन । कम्पनीले आगामी जुनमा मूल्य र प्रडक्ट रिलिज मिति सार्वजनिक गर्नेछ ।
